冷麵

雖然萬聖節已經過左，但呢間以日本鬼怪為主題既日本餐廳就依然受歡迎！一入去見到大紅燈籠高高掛，氣氛神秘搞怪，而食物同樣好有特色！「燈無蕎麥」即係蕎麥麵，搭配生雞蛋、蘿蔔絲、蔥花、芥末等同熱湯汁混埋一齊沾住食，一凍一熱令麵更加彈牙，非常岩而家呢種天氣食！另外仲有多款黑色天婦羅，睇落夠晒特別，其實係用左竹炭粉黎炸，但味道同一般天婦羅差唔多，加埋七味粉等等調味，同樣香脆滋味！餐廳仲設有露台位，可以邊望住銅鑼灣鬧市之景，邊歎日式小食或者飲番杯，非常寫意舒服！ ▲餐廳位於銅鑼灣鬧市，但一入去就見到一排排紅燈籠，氣氛神秘搞怪，非常有特色！⠀⠀⠀⠀⠀⠀⠀⠀⠀ ▲好多人都會點番個「燈無蕎麥」以冷麵比較受歡迎，搭配生雞蛋、蘿蔔絲、蔥花等，沾埋碗熱湯一齊食，一冷一熱，食落非常舒服！嫌唔夠食既仲可以免費加一次麵底添，非常抵食！ ▲黑色天婦羅都非常特別，其實只係用左竹炭粉去炸，配合番成個搞怪主題，味道則同普通天婦羅差唔多，同樣香脆！ ▲仲有多款小款例如炸雞軟骨等，至岩配埋杯啤酒一齊歎！ ▲雖然餐廳位於銅鑼灣鬧區，但居高臨下，仲有露台座位，可以望到街景。一邊歎邊美食啤酒，一邊望住香港繁忙街道，相映成趣！ 送行提燈 地址：銅鑼灣駱克道522號2樓營業時間：12:00-23:00電話：92054465 文字來源：香港人遊香港／圖片來源：＠mariona_foodie、＠lifesa.feasthk...

香港人一向對日本食物情有獨鐘，因此香港開左唔少日本出名拉麵店的食店。今次介紹既呢間拉麵店相對上較為特別，同埋絕對值得一試！呢間拉麵店係由冠軍級拉麵大師林隆臣同大阪廚藝界松村貴大一齊首度推出既拉麵店，林隆臣大師曾獲無數拉麵獎項，能夠係香港食到佢研究出黎既拉麵配方實在太幸福。呢間有數款特色拉麵，包括雞白湯底拉麵、龍蝦拉麵、雙禁果之鹽拉麵。除左數個月前係中環開左第一間分店外，係今年十月尾仲會係尖沙咀開第二間分店，九龍既人士有福了！ ▲極上龍蝦拉麵($298):呢款特色拉麵每日淨係限量六碗炸，供應時間由每日下午三點開始。龍蝦好大隻，重成300-380克，食落去啖啖肉！拉麵食落去好彈牙又入味，拉麵湯底係人氣醬油湯底！龍蝦肉有個醬汁比客人點，如果唔整調製個醬汁，不妨拜託店員幫你調製！ ▲雙鹽味拉麵($158):呢間拉麵都係期間限定，用一個8字型拉麵碗分裝兩款拉麵，一款是冷湯拉麵、另一款是海鮮熱鹽湯拉麵。冷麵有三文魚子、白飯魚、蔥荀等，所有食材都是來自日本同埋拉麵較為粗身彈牙。熱湯係用左多種甲殻類製成，食落去幾鮮甜！ ▲麵豉香蔥黑豚腩肉($38): 火灸過既日本黑豚肉上面鋪滿日本京蔥，食落口真係好香蔥味，同埋食落去無咁油！ ▲自家製餃子($48):呢度既餃子經過多次改良好，製作出皮薄肉多汁既口感！餃子皮都煎到好脆身，肉既比例都多！餃子同拉麵絕對係一個好Match既組合！ ▲波子汽水($28一支): 食拉麵除左揀飲日本啤酒外，唔中意飲酒既客人可以揀波子汽水。 ▲每碗拉麵既份量都好大碗，絕對夠食！ ▲呢度既裝修主要以木材為主調，比客人一種舒服既感覺。 ▲店鋪門外牆身是拉麵廚師同一些拉麵插圖既畫，幾特別。 立体派 地址:中環威靈頓街27-29號元益大廈地庫 營業時間:星期一至四11:00 – 23:00/星期五至六11:00 – 00:00/星期日11:00 – 23:00...