仲有懷舊孖條唧唧冰 ! 呢間位於葵芳放題店性價比幾高，除了一般都有的刺身、壽司、串燒、炸物，仲有香港人最鍾意的火鍋真係照顧周到。刺身當中以象拔蚌最吸引，爽彈鮮甜。黑松露帶子壽司、三文魚刺身夠厚切，焗蠔夠熱肉夠滑。飲品款式又多選擇，其中暖維他奶和生啤真係夠晒誠意。甜品方面有兒時最愛的唧唧冰、孖條可以同人開心share! ▲象拔蚌刺身爽口彈牙、三文魚刺身夠厚切、甜蝦刺身夠鮮甜。 ▲壽司選舉款式不少，以黑松露帶子壽司味道比較突出。黑松露味香、帶子有厚度鮮甜。 ▲焗蠔有芝士和蒜香兩款，蠔肉比較細粒但夠味道。 ▲蜆肉粒粒飽滿。 ▲炸榴槤波波，榴槤餡非常重手，榴槤味香。 ▲炸香芋波波，芋頭味香濃。 ▲放題未夠喉仲有火鍋打。 ▲童年回憶唧唧冰、孖條，可以開心share。 ▲暖笠笠熱維他奶。 ▲任飲自助生啤機。 ▲飲品選擇都不少，汽水、茶、啤酒。 夢工房西日料理 地址: 葵芳葵義路2-10號新葵芳花園好爵中心商場1樓電話號碼: 26289636 星期一至日 11:30 – 15:30 午市成人$88 小童$68星期一至四 17:30 – 18:30 前入座成人$168 小童$128 長者$148 18:30 – 20:30入座成人$188 小童$128 長者$148 20:30後入座成人$158 小童$128 長者$148 全時段成人$268 小童$138 長者$188星期五至日 17:30 – 18:30 前入座成人$188 小童$138 長者$158 18:30 […]...
呢間重慶麻辣火鍋店係《舌尖上的中國2》被選了做重慶火鍋唯一代表，之後極速人氣爆燈，由中國開到香港。不麻、不辣就唔叫麻辣火鍋，湯底用上朝天紅辣椒、金陽青花椒、茂汶大紅袍、花椒、及各種香料，熬製接近兩小時。未入口已臭到陣陣辣味，入口就變成舌尖上的火辣辣，先辣後麻但就缺少了些香味。要食盡麻辣湯底精華，小編推介曉宇苕粉，吸盡每滴麻辣湯，辣得更過癮。另一必食重慶炸酥，炸得香脆而且舌頭越食越有麻痺感覺。真係食得辣先好去。 ▲鴛鴦鍋中間是皮蛋芫茜湯，旁邊是麻辣湯 ($38/位)。用上朝天紅辣椒、金陽青花椒、茂汶大紅袍、花椒、及各種香料，熬製接近兩小時。 ▲重慶炸酥($32/半份) 用五花肉、胡椒及花椒等製成，炸得香脆，會越食越有麻痺感覺。 ▲曉宇嫩牛肉($81/份) ：用本地牛肉，肉質嫩滑；鮮蝦雲吞($32/半份)： 正常大細，豬肉和蝦調味正常；手打墨魚滑($89/份) ：彈牙，表面有蟹子增加口感。 ▲手打4寶丸($119/份) ：包心魚丸、芝士丸、牛筋丸、貢丸；油條($29/份) ：不夠脆身，有點韌。 ▲美國安格斯肥牛($208/份) ：肥瘦適中；黃油雞件($49/份) ：新鮮雞件，肥膏不多。 ▲曉宇苕粉($51/份) ：俗稱為紅薯粉 ，有韌性，吸盡麻辣湯汁。另外更有，田園菜籃($82/份) ：包括4款菜和金菇；米($33/份) 甜栗米；極品鵝腸($87/份) ：凍鮮鵝腸，沒有肥膏，夠爽口。 ▲凍豆腐($29/份) 吸盡湯底首選。 ▲蒜泥、麻油、蔥粒，增加味道又可減辣。 渝味曉宇重慶老火鍋 地址: 尖沙咀北京道12A號太子集團中心19樓 電話：36210893 文字/圖片來源: 香港人.遊香港...
又想打邊爐又想食放題？旺角呢間任食店就可以一次過滿足曬你嘅願望！除咗火鍋配料、刺身、燒物、炸物等任食之外，佢仲有「造型火鍋」，倒入熱湯之後，造型湯底會慢慢溶化！造型湯底仲有多款選擇，Book位個陣記住同店員查詢喇！ ▲火鍋湯底共有六款選擇，包括皮蛋莞茜、沙爹、冬瓜排骨、豬骨、豆乳海鮮、人蔘雞、蕃茄同重慶麻辣，加$68蚊仲可以揀4格湯底添！造型湯底十分可愛，聽聞仲有唔同造型，好似鴨仔、熊仔、狗仔等，建議Book位時可以問清楚 =] ▲店內有提供多款火鍋配料，好似火鍋配料就有蜆、海蝦、帆立貝同鯪魚滑，如果加錢食中日放題嘅話仲有生蠔、蟶子、東風螺、象拔蚌同墨魚滑選擇添！ ▲出面仲有一個火鍋配料自助區，有蔬菜同丸類等配料，食幾多夾幾多！ ▲升級嘅日式放題主要分刺身、壽司、炸物、燒物同沙律！刺身有成十幾款，而且仲好新鮮，另外壽司同燒物都好好味，特別係火灸類壽司，必點！呢個升級放題值得加！ 飲品方面亦係自取，款式都算多，甜品方面有雪糕同一口甜品可以自取！ 入座計 海鮮火鍋 海鮮火鍋+日式放題 14:30-16:59 $128 $178 17:00-17:59 $138 $188 18:00-20:59 $158 $198 21:00-21:59 $148 $188 22:00後 $138 $178 注：星期五至日、公眾假期及其前夕加收$10；另設加一 八鍋堂．中日火鍋專門店 地址： 旺角西洋菜街1號兆萬中心3樓301號舖營業時間： 14:00 – 00:00電話：2151 2838 文字／圖片來源：香港人.遊香港...
講埋四川美食，串串香不能不提，最近尖沙咀開咗間火鍋店，主打成都串串火鍋。湯底有麻辣、菌王、蕃茄、藥膳四款。火鍋串串配料就用自助形式，出去拎個底盤自己揀就得！埋單時按每串計算，最平$5起！推介串王酥肉，新鮮炸起熱熱熱酥肉配上紅油鍋，麻辣誘人！ ▲講埋四川美食，串串香不能不提 ▲呢度嘅串串唔用磅重方式收費，以每枝竹籤計算，食多食少容易預算。 ▲湯底有麻辣、菌王、蕃茄、藥膳4款。火鍋串串配料用自助形式 ▲正價時段全單88折，7pm前離座及10pm後入座都有68折 串王之王─正宗成都串串火鍋 地址：尖沙咀金馬倫道 34-36A 號福僑大廈地舖電話：2336 8182時間：17:00 02:00 文字來源：香港人.遊香港／圖片來源：@barcaleo、@law_bobo、@follow9facetoeat...
呢間明星火鍋店最近推出新嘅午市餐單，一人一鍋都只係$68，午市套餐一共有13款迷你火鍋湯底同埋台式定食選擇，仲有不同的精選火鍋配料。大家可以自選3款配料同埋1款粉麵，再搭配手作飲料！小編推介麻辣鴨血、鹹蛋黃魚麵、秘製花膠！午餐黎講份量好足之餘又抵食，同晚餐閒閒地四五百蚊差好遠🤤！ ▲「酒鍋」為配合是次台式主題，更推出各款台式沙冰及時下大受歡迎的手作飲料 ▲上班一族都可以午飯時間來個火鍋充電！ ▲城中火鍋熱點「酒鍋」推出全新午市套餐定價由港幣68元起 ▲午市套餐一共有13款迷你火鍋湯底及台式定食選擇 酒鍋地址： 尖沙咀天文台道8號2樓1號舖時間：12:00 – 15:00、18:00 – 01:00 銅鑼灣登龍街18號V Point 27樓時間：12:00 – 15:00、18:00 – 01:00 文字來源：香港人.遊香港／圖片來源：香港人遊香港...
泰式冬陰美鍋！ 最近呢間日式火鍋放題店新出泰式冬陰公湯底，有得食有得玩，自己落手落腳炒香湯底配料，有蝦、魷魚、香茅、薑等。再加入酸酸辣辣冬陰湯就完成。除了放題有的澳洲牛肉、牛舌、豬肉、大量野菜、丸等任選，更有泰國象啤任飲。最後套餐有個芒果糯米飯手工雪條，芒果和椰汁味香濃，最抵死係真食到粒粒糯米飯！必食！ ▲澳洲上級長期穀飼牛套餐（$219），期間限定泰式冬陰美鍋，限時100分鐘。 ▲DIY冬陰湯底先要炒香配料包括，蝦、魷魚、香茅、薑、香葉、辣椒等。 ▲香味四溢時便可加入冬陰湯，酸酸甜甜帶微辣，好開胃。 ▲澳洲上級長期穀飼牛，雪花均勻、牛肉味豐富。 ▲薄切牛舌。 ▲薄切豬肉片，入口爽口，夠嫩滑。 ▲冬陰套餐跟的兩隻蠔、兩隻魷魚、兩粒帶子。蠔肉新鮮甜美，夠厚肉。 ▲自助區有各式新鮮蔬菜、丸、瓜、麵等。 ▲泰國象啤無限量供應，不會太苦，容易入口。 ▲可以自己整香茅蜜糖茶，甜甜又清新的香茅味，飲完有清新既感覺。 ▲青咖喱牛肉飯，咖喱味濃郁但有點辣。 ▲iseeisee芒果糯米飯手工雪條，期間限定。芒果和椰汁味香濃，仲要真食到粒粒糯米飯。 牛陣 地址：尖沙咀彌敦道63號iSQUARE 國際廣場7樓706號舖電話：23111029營業時間：12:00-23:00 文字/圖片來源：香港人遊香港...
鮮甜粥底海鮮鍋！ 夾公仔就試得多，旺角呢間粥底火鍋店有部夾生猛海鮮機， 夾到上黎仲可以加料即食，好鬼過引! 而餐廳有多個火鍋套餐選擇，當中手臂咁長的美顏花膠和大大盤的海鮮拼盤最吸引。花膠厚身彈牙，海鮮新鮮到上枱時仲識郁。龍蝦、鮑魚、奄仔蟹、貴妃蚌等加入粥底中即變做生滖海鮮粥，超鮮甜! ▲黑松露有米粥鍋套餐($398/每位) ，粥底質感綿滑，還加入了香菇和黑松露，令粥底充滿了黑松露香味。跟海鮮拼盤和十款火鍋配料。海鮮拼盤有乳龍蝦、鮑魚、奄仔蟹、貴妃蚌、沙白、手切牛肉。 ▲乳龍蝦彈牙爽口仲有膏。 ▲鮑魚好新鮮，上枱時仲識郁，煮熟後入口軟腍。 ▲奄仔蟹肉質嫩滑得黎又結實又鮮甜。 ▲貴妃蚌鮮味十足而且夠厚肉。 ▲沙白乾淨無沙夠肉地。 ▲花膠大大塊又長又厚身，入口彈牙有咬口充滿骨膠原。 ▲手切牛肉脂肪分佈均勻，肉味濃厚。 ▲黃金炸魚皮新鮮炸起非常脆，味道不會太鹹好惹味。 ▲即炸紫菜響鈴外脆內酥，中間包住紫菜有多重口感，而且完全不感到油。 ▲即炸順德魚腐外邊香脆，內裡有魚肉香。 ▲新鮮鵝腸一點都不肥，煮熟後仲好爽口。 ▲新鮮雞子份量夠多，外脆內腍入口完全沒有腥味。 ▲鳥結糖外表像真度高，真的會以為是鳥結糖。其實是以蝦膠和墨魚膠做，入口好彈牙。 ▲手打蝦丸彈牙有蝦味。 ▲野菜盤。 ▲六款混醬有芫荽、蔥、辣椒粒、蒜蓉、菜脯粒、炸蒜蓉。 阿爺粥品手工涮涮鍋 地址: 旺角登打士街43H號登打士廣場3樓電話號碼: 25278383 文字及圖片來源：香港人.遊香港...
鵝大哥主打鵝煲，非常受附近街坊歡迎，鵝煲全部選用優質獅頭鵝，每鍋有半隻鵝，惹味鵝肉再配上自家製醬汁，食落好滋味！既然主打鵝嘅火鍋店，又點會有無鵝腸、鵝腎、鵝肝，全部都非常新鮮！另外特別要提到響鈴係即點現炸，夠哂香脆！ ▲小菜亦非常受歡迎，圖為四川名菜酸菜鯇魚盤 ▲呢間餐廳選用汕頭一級獅頭鵝，並以多種香料燜製而成，香濃惹味。 ▲除咗鵝煲仲有十幾款湯底，好似花膠龍躉湯底同胡椒豬肚雞窩等 ▲頂级手切本地牛肉 鵝大哥鵝煲專門店 地址：旺角彌敦道584-596號旺角新城17樓電話：90790282時間：17:30 – 03:00 文字：香港人.遊香港／圖片來源：sm1kinhotmailcom、joannelai.liu...
小編記得之前去台中小店食過一人一個鍋，香港人一直都好少呢d鋪頭，而家係尖沙咀就食得到！呢度湯底火鍋款式多多，包括招牌竹笙椰子海南雞鍋、麻辣肥牛窩、冬蔭公海鮮窩、忌廉龍蝦湯、韓式泡菜鍋等。除一主材料牛、豬或海鮮外，仲有秀珍菇、花枝丸、娃娃菜、金菇、粟米、鮮茄等，完全唔駛諗食咩！ ▲麻辣肥牛窩88一個份麻辣窩真係大滿足！岩哂平日唔係食好多既人！ ▲沙嗲肥牛窩88滾得火熱的是潮洲沙嗲鍋沙嗲味道唔算濃，不過由於份量唔多沙嗲醬汁都容易掛係牛肉之上！ ▲招牌竹笙椰子海南雞鍋128湯式清甜養生滋潤，椰子味香濃無比，而且雞肉嫰滑！ ▲鮮茄茸雜菜窩-78-所有鍋物內已經有粉絲或烏冬，仲有一碗白飯，細食既朋友仔可以考慮下2個人share食！ 熱點 地址 ：尖沙咀加連威老道18號地下B舖電話：37020019營業時間：18:00 – 23:30 文字來源：香港人.遊香港／圖片來源：@goaround.daily、@cathylamm、@mjqueen7e、@keecheryl...
一人一鍋日產黑毛和牛火鍋放題! 唔洗同人爭! 火鍋的主角一定係牛肉! 呢間火鍋放題就提供不同級數的牛肉選擇係90分鐘內任你食。最興奮係有日本產特選黑毛和牛，油花散佈均勻，色澤粉嫩，而且肉質柔嫩，只需輕涮三至五秒就食得，口感大滿足! 仲有五款不同湯底選擇，小編個人推介藥善麻辣，雖說辣味不大但有少少麻和帶麻辣香，越打越惹味! ▲日本產特選黑毛和牛，油花散佈均勻，有入口即化的極致口感，而且分量多。 ▲豚肉肉味不錯，脂肪不多不會過肥。 ▲藥膳麻辣鍋，先辣後麻，帶點藥材味。 ▲美肌湯，味道不太濃味，內有雞、薑、杞子。 ▲自助bar選擇都不少，有丸類、蔬菜、麵食、醬油、飲品、雪糕自由選擇一應俱全。仲有比較少見的羽衣甘藍，秋葵和蟲草花，火鍋都可以好健康! ▲另外，仲可以加＄16飲Asahi ▲Haagen-Dazs雪糕有4款不同味道。 ▲放題價錢由$179 (嚴選牛肉)至$329 (日本產特選黑毛和牛)，90分鐘任飲任食。 但馬屋 地址: 觀塘觀塘道418號創紀之城五期(apm)4樓22號舖電話: 27931232營業時間: 12:00-23:00 文字／圖片來源：香港人.遊香港...