呢間位於中環的西班牙餐廳為慶祝24週年，推出「24週年西班牙週末 Brunch」。只需$498就可以嘆到8道正宗西班牙菜，包括6道共享前菜、1道主菜及1道甜品。前菜Tapas當中更有招牌菜式，包括蒜蓉欖油海蝦、烤西班牙八爪魚伴甜椒奧利汁和西班牙巴斯克啡蟹多士等。主菜方面就7選一，包括炆澳洲和牛面頰肉、烤乳豬、香燒八爪魚、燒 BB 羊架等。大廚更特別為今次 24 週年炮製了西班牙紅蝦Paella (另加$68)，以秘製蝦湯煮飯並混入魷魚粒和蝦粒，飯粒都吸收了所有海鮮精華。另外仲有3款free flow選擇，無限暢飲兩小時。
▲西班牙巴斯克啡蟹多士，蟹肉醬混入白蘭地、番茄醬、白胡椒和大量蜘蛛蟹肉烹調烤焗，入口超香濃鮮味。
▲蒜蓉欖油海蝦，經典的招牌菜式，橄欖油把蒜片、洋蔥和鮮蝦一起炒香，散發陣陣蒜香味。
▲烤西班牙八爪魚伴甜椒奧利汁，分開 3 層處 理，底部有手指薯 (RattePotato)，中間是香燒八爪魚然後面層是自家製的甜椒蒜蓉蛋黃醬，3 層材料各有不同口感。
▲風乾火腿配新鮮蕃茄醬包，烘烤過的酸種麵包混入蒜蓉及橄欖油的番茄蓉。肩肉來自西班牙下南部伊比利亞豬前肩肉(即前腿)製成的風乾火腿。番茄蓉的香甜味與甘香的火腿味道相當匹配。
▲香草煮伊比利亞上肩肉片，伊比利亞豬以迷迭香、百里香、牛至、芥末、紅椒粉、橄欖油和蒜頭調味。而鷹嘴豆蓉混入了孜然粉、蒜頭及橄欖油。
▲酥炸西班牙Pardon 小青椒，油炸後青椒仔有一層非常薄脆的酥皮配Romesco醬汁提升青椒仔的鮮甜味。
▲主菜可選西班牙紅蝦Paella(二人份)：特別為今次Brunch重新調製。
▲炆澳洲和水牛面頰肉配松露薯蓉，煎香外層再與洋蔥、蒜頭、蘿蔔和紅酒一起用慢火炆煮 4 至 5 小時至非常軟稔。
▲香煎深海鱸魚配白甘筍蓉，外層煎得香脆肉質嫩滑。
▲西班牙小油條伴朱古力醬，熱朱古力醬非常濃郁。
▲炸鮮奶伴拖肥醬，炸鮮奶帶奶香而且沒有油膩感。
Olé Spanish Restaurant & Wine Bar
地址：中環雪廠街24-30號順豪大廈1樓
電話：25238624
供應日子：逢星期六、日及公眾假期
時間：11:30 – 1:30pm 或1:45pm – 3:45pm
價錢: 每位$498，最少兩位用 (另收加一服務費)
文字：香港人遊香港