最近呢間新開喺長沙灣嘅餐廳真係好hit，波希米亞風西格裝修畀食客好舒適relax嘅感覺，加上設有超唯美藤製韆鞦打卡位，吸引咗好多人嚟朝聖同打卡！餐廳提供嘅食物種類唔算太多，有Set brunch／dinner，散叫主菜同小食。小編建議lunch時段嚟，除咗可以有明亮嘅日光打卡，亦可以食佢哋嘅brunch，例如燒牛肉溫泉蛋柚子汁冷烏冬同蟹肉牛油果意式包，全部都份量充足，而且價錢合理，可以一試！大家可以透過whatsapp或者openrice book 定位，咁就唔洗排隊等位啦！
▲ 波希米亞風超唯美藤製韆鞦打卡位，大家可以打卡影下港女相，日光之下真係好靚！
▲ 燒牛肉溫泉蛋柚子汁冷烏冬 ($78)：佢用嘅唔係普通烏冬，而係選用稻庭烏冬，所以口感唔錯，好滑身，亦唔會有酸味！ 牛肉都幾嫩，唔會太老！
▲ 燒牛肉溫泉蛋柚子汁冷烏冬跟餐仲送杯iced fruit tea，所以價值都算合理，可以接受。
▲ 蟹肉牛油果意式包 ($78)：份量好足，作為brunch嚟講份量都幾飽肚，配合沙律菜好fresh！
▲ hazelnut latte：跟餐半價就可以享用，留意返呢杯latte偏甜，唔係好嚐甜就唔好叫啦！
Boholic
地址：長沙灣福華街561號君凱豪庭地舖及1樓
電話：2388 3668
文字來源：香港人遊香港 / 圖片來源 ：＠dinosaurs_foodie