荃灣區餐廳轉得都幾快，不過有一間位置唔係上佳既港式雲吞麵做左10幾廿年，全因出品啱街坊口味，佢地既雲吞，冇因為希望嘩眾取寵地包到好大，一粒擺入口到啱啱好！而雲吞麵湯底，係用曬乾蝦殼、大地魚、白豆、陳皮等材料熬幾個鐘，可以話係正宗傳統港式味道。 ▲會做即炸鯪魚球既麵店比較少，鯪魚球一碟有8個，粒粒都好似乒乓波咁大，所配蜆芥既薑絲、蔥絲同蜆都好足料。鯪魚球炸得金黃香脆，食落都幾彈牙！ ▲水餃麵，蝦肉比例相稱，內餡蝦肉彈牙，加上豬肉、筍、木耳唔會好膩，而且水餃皮薄而不爛，真正皮薄餡靚！ ▲一碗雲吞麵有六隻雲吞，不過就唔係好大粒。 ▲爽滑鯇魚皮，魚皮到半生熟都幾考功夫，要做到又爽又脆又滑都幾難得。 彬記粥麵專家 地址：荃灣大陂坊6A號地下電話：24140670營業時間：14:00 – 01:30 文字來源：香港人遊香港／圖片來源：@rt_foodies、@stelliewong、@rayhowm、@mydailyfoodhk...
