台灣媳婦打理的小店，主打家傳牛肉麵和獨門台式美食，吃出滿滿的人情味。招牌紅燒牛肉麵的湯底選用牛大骨、牛肋條和藥材等材料熬煮24小時，鮮甜帶點甘香味。牛肉採用了牛𦟌肉的部分，切得大塊，軟嫩而入味。
暫時仲未有得飛台灣，唯有食返d台灣野填補空虛既心靈啦！講到台灣早餐，小編最掛住傳統台灣早餐店蛋餅，而夜市就必食街邊牛肉麵同滷味！而呢間大角咀新開既小店就難得地有哂咁多元素！食店名用「老厝邊」台語為老鄰居咁解，所以食物同店鋪氛圍就富街坊風味。講到最特別食物都係佢地蛋餅，平時蛋餅都係食開肉鬆、芝士、火腿之類，芋泥芝士真係好少見，綿密芋泥加上咸香芝士勁邪惡。 ▲ 超濃芋泥蛋餅（$35）芝士加入芋泥味覺、視覺都非常滿足！ ▲ 超濃芋泥蛋餅（$35）蛋餅唔算好重粉味，蛋味都幾出。 ▲ 紅燒牛筋牛肉麵 配料有蘿蔔、白菜仔，而牛肉、牛筋份量十足煮得夠稔又入味。 ▲ 滷肉飯大大碗又juicy，肉碎加上滷肉汁撈飯食一流！ ▲ 鹹酥雞，雞肉係用雞腿切塊而成，加入左九層塔炸到表面香脆，肉質juicy入口鮮嫩多汁！ ▲ 珍珠奶茶珍珠有咬口 ，而呢個包裝好有夜市feel！ ▲小店台灣鄉郊風，以水泥牆、舊招牌、老式電話裝修為主。 文字來源：香港人遊香港 / 圖片來源：@iamf.oodie、@kadyfung、@_c.longgg.tf、@kurara1024、@allaboutfood0320、@wyemilyw...
