呢間位於葵芳的西餐廳，位置較隱世，環境以工業風為主題，而且空間寬敞，好適合想放鬆地聚餐聊天的朋友！二人套餐都不高於$400，人均$200就可以品嚐到高質西餐，性價比幾高。一口雜錦拼盤超吸晴，有挪威煙三文魚芒果球⋯⋯
台灣西門町既阿宗蚵仔麵線，去過台灣既都一定食過，之後係其他地方食既麵線始終都差少少！但而家係葵廣竟然有小食神重現阿宗麵線既味道，試過既都話味道有九成似！HKD$25一碗蚵仔麵線絕不欺場，蚵仔都幾大隻飽滿，食落有鮮味！麵線夠幼，食落其實似碗仔翅咁，濃稠度適中，加入左香菜同菜脯就更有台灣風味，依個人口味仲可以再加入辣油、炸蒜等等就更惹味！除左蚵仔麵線，小店都有賣綜合麵線、拌麵、滷肉飯等，都好有台灣風味！咁以後想食台灣美食就唔洗飛台灣都食到啦！ ▲葵廣美食眾多，但呢間賣台灣食物既小店最近就大熱，因為佢賣既蚵仔麵線口味夠傳統，試過既都話同台灣既有九成相似！ ▲蚵仔麵線(hkd$25)落足料！蚵仔都大大隻，好飽滿兼有鮮味，麵線都夠幼已經份量唔少！ ▲想食得更惹味，可以依個人口味加入辣油、炸蒜等等，撈埋一齊食就更正！ ▲除左蚵仔外，都可以點蚵仔魷魚雙併，或者綜合麵線，有齊大腸、花枝丸、肉丸！ 台南皇麵線 地址：葵芳葵富路7號葵涌廣場3樓85A號舗 電話：62269817 文字來源：香港人遊香港 / 圖片來源：@gabriel01105、@manvinkk、@eatwithkh、@hiheidifoodie...