拖羅

【日本料理新出Art Menu！藝術融入菜式】

最近有間日本料理店新出Art Menu，將藝術融於菜式中，化作一道道如畫作般嘅精緻料理，碟碟都以花入饌，睇得又食得，賣相雅緻外味道亦配合得天衣無縫。餐廳採用嘅食用花，全部都係嚟自本地農莊，可以配襯唔同食材！壽司飯入面會混入墨魚汁，令鮮味更突出，而每件壽司頂亦有一棵食用花，襯托出最好嘅魚鮮味，今次相機實會食到好飽！ ▲「拖羅」源自日語意思是吞拿魚肥美的魚腩部位 ▲以食用花入饌，賣相雅緻外，味道亦配合得天衣無縫。 ▲新推出Art Menu，將藝術融於菜式中，化作一道道如畫作般的精緻料理 ▲碟碟都以花入饌，好鬼靚！ Kuro Japanese Cuisine 地址：銅鑼灣登龍街1-29號金朝陽中心2期Midtown 28樓電話：28826898時間：12:00 – 00:00 文字來源：香港人.遊香港／圖片來源：Kuro Japanese Cuisine...

油尖旺區

【老牌壽司店見城重開】

位於尖沙咀嘅壽司名店見城之前係六月底結業，大家都紛紛覺得可惜，最近見城嘅一班高徒決定重組班底，繼承名師衣缽，喺原址重開壽司店，改名為「城八」，餐牌同價錢幾乎一樣，午餐時段嘅自選壽司依然保留了，必點嘅中拖羅同海膽水準依然屬於頂級，大家可以繼續幫襯啦！ ▲餐牌同價錢都冇咩變到，水準依然屬於頂級。 ▲各位壽司迷可以繼續幫襯。 ▲見城嘅徒弟重組班底，於原址重開壽司店。 ▲今年六月底見城師父決定退休告老還鄉，引起訂位熱。城八地址﹕尖沙咀棉登徑30號地下文字來源：香港人.遊香港／圖片來源：WinsonAu@FB、AngelLi@FB、KitChan@FB...

中西區香港

【中環食Omakase！歎盡新鮮拖羅海膽】

位於中環的日本菜餐廳推岀6道由廚師發辦嘅Omakase！前菜已經滿有驚喜，芝麻豆腐配海膽和蝦，裡面仲有小編第一次食嘅蒪菜，食落爽口滑嫩，有豐富嘅膠質蛋白，算係貴價食材嚟㗎！而豆腐口感亦非常特別，有種寫𡁵蟹膏嘅感覺！後面仲有新鮮刺身、燒物、熱湯及甜品等！樣樣都有驚喜！ ▲6 道菜($880)，如果講究啲可以加$280，有埋sake pairing ▲先來一杯餐前酒，是有汽的那一種，比平日的Sake濁啲，但飲下去酸酸甜甜的，好開胃 ▲芝麻豆腐配海膽和蝦：內裡除了海膽和蝦外，豆腐口感亦非常特別，是厚實那種，食下去有種寫𡁵蟹膏嘅感覺 ▲蒪菜：食落爽口滑嫩，有豐富嘅膠質蛋白，算係貴價食材嚟㗎 ▲海鰻壽司 ▲刺身，分別有牛鰍、沙甸魚和拖羅。每款都好新鮮 ▲豬肩肉湯：湯頭好甜，而具豬肩肉好嫩 ▲燒魚：分魚頭和魚身，魚頭是炸的，炸到骨都可以食，而魚身是燒的，再配上甜甜的Sake，兩樣野好夾 ▲鯛魚茶漬飯：清清地可以解油膩，而味噌湯亦中和返魚嘅苦澀味 ▲綠茶蜜餞配綠茶雪糕：有紅豆容，小丸子、啫喱和香濃的綠茶雪糕 ▲最後有杯桃味嘅酒作結 FUMI 地址：中環德己立街30-32號加州大廈6樓電話：23283302 文字／圖片來源：香港人.遊香港...

新界西貢區

【日本漁市場空運到港！活魚割引】

#期間限定！將軍澳呢間居酒屋採用傳統與現代結合日式裝潢，成個感覺都好溫馨，而最近安排咗專業嘅日本師傅不定期席前解魚🈹，所有藍鰭吞拿魚每日都由日本漁市場空運到港🛬，夠哂新鮮😋，而家仲有期間限定嘅活魚半價優惠，好吸引！拖羅豐腴肥美，油脂甘香，油香在口中久久不散，入口爽而不膩，好好食！ ▲大拖羅是吞拿魚的魚腩部位，豐腴肥美。 ▲拖羅魚脂比例適中，肉質嫩滑，入口半融化。 ▲席前解魚將在每月不定期舉行 ▲漁釧料理每天都由日本漁市場新鮮送到鮮魚和貝類，睇見都想食。漁釧地址：將軍澳唐德街9號將軍澳中心地下G89號舖時間：12:00 – 15:00、18:00 – 22:00電話：2325 0175活魚割引日期：2018年5月20日 – 5月30日文字來源：香港人.遊香港／圖片來源：漁釧...

Sign Up