今日想介紹下西營盤一間隱世西餐廳#張三。起初聽到店名就諗起一首經典老歌叫做「張三的歌」，仲以為因為老闆叫張三，所以開間鋪叫「張三」。 一問之下，原來店名背後有一個故事。#張三代表張家一家三口經營既意思。張爸爸本身係酒店廚房出身，有多年入廚經驗，一直都想開一間西餐廳。張女兒知道爸爸有呢個心願，工作左幾年儲左啲錢，就同張媽媽一齊游說張爸爸開餐廳完成佢既心願，自己更親力親為同媽媽負責餐廳樓面同雜項。就這樣，＃張三就誕生。孝順女能夠幫爸爸完成心願之外，將酒店質素既食物帶回「家」既味道同價錢，其實都係食客既福。 食物睇落好味，食落美味之餘，背後既故事添加左一份濃濃溫情既人情味添！正！ ▲好簡潔既門面，無花巧既裝飾，整個設計風格好搭配。 ▲以西餐廳黎講，店鋪唔算大，桌子亦唔多。正正因為呢種小小既空間先營造到家中溫馨既感覺，好適合一家人或三四個閨蜜邊食邊傾。最特別都係佢個開放式廚房同牆上既粉筆插畫，透明度咁高既西餐廳真係好少見呀。 ▲京蔥鴨腿醬油炒意粉 ($140) 呢個係張爸爸自創菜式，係一個fusion菜，亦係餐廳既生招牌。鴨髀用傳統滷水汁慢煮三個鐘，有客人叫先煎香，做出微脆肉嫩口感，加上餐廳所有意粉都出名al dente，客人食過都讚好。 ▲血瑪莉虎蝦意粉（＄162）食西餐配雞尾酒唔陌生，但將雞尾酒加入意粉中成為味道既基調卻係唔常見既煮法。聽到血瑪莉都知道呢個意粉既有VODKA既乾烈又有Tabasco既辣感。鍾意食辣既你一定要黎試下！！ ▲忌廉蟹肉意大利飯($162) 呢個飯最大特色就係極多蟹肉，忌廉意大利飯之上鋪滿白色既蟹肉，肉眼睇分唔清飯多定蟹肉多，只知道食落去啖啖都有蟹肉同海水既咸香味。不得了，小編一邊介紹一邊流梗口水喇！ ▲蝶豆檸檬梳打($42) 介紹左幾款美食都要介紹下飲品。碟豆花有健康功效外，佢既紫藍色幾乎配上任何飲料都會添加一份夢幻感，加上檸檬梳打有清新既感覺，係進食濃味西餐後一種消滯飲料既最佳選擇。要順帶一提，餐廳為支持環保，不計較成本咁將所有凍飲用上紙飲管，值得一讚！！ 張三 地址：西環西營盤第三街133號豐盛大廈地下A號舖電話：54243985營業時間：星期一至星期日（星期三休息外） 1100－2130 文字/圖片來源: 香港人.遊香港...
呢間新開既酒吧🍸，唔會有好嘈雜既搖滾音樂，反而似置身係另一個魔幻時空，先感受到英倫地下鐵風既Graffti，走入去又係另一個世界，巨樹乾花森林呢個空間最岩三五知己相聚！呢度既cocktail 同小食都別具心思，小編至like低溫慢煮半生牛叉燒，食入口係叉燒味，但其實係牛肉黎，口感特別！ ▲味道富有海水味及鮮甜味愛爾蘭生蠔 ▲三式時令分子料理卷($98):以時令3款水果用分子料理方式整成，口感清甜！ ▲低溫慢煮半生牛叉燒配米型粉，甜豉油汁($198)，以澳洲穀飼黑安格斯牛肉來做叉燒，牛肉以玫瑰露和叉燒醬醃製再煎香，配上意大利米型粉 ▲低溫慢煮雞配中式腐乳意大利飯($158) ▲煎北海道帶子配臘腸、菜莆及粟米蓉($108) ▲日本豉油魚子、吞拿魚他他及意式薄切生牛肉片($98) ▲香辣海膽汁配三文魚子豉油漬及闊條墨魚($88):闊條麵大家食過，用墨魚整成既闊條麵加上海膽汁鮮味濃郁！ ▲自家製蟹肉脆燒賣($68):改以越南春卷皮炸成燒賣皮，蟹肉、蛋黃醬、日本的魚子漬等作餡料，是香脆可口的開胃小吃。 ▲Green Ball($118):主要係由啤酒同綠茶，都幾甘甜清新！ ▲Snow Elf($88):驟眼睇以為係甜品！ ▲Gold Smoke，在冰球和Rum酒中，可自行用膠試管唧入適量的橙酒，客人倒入試管瓶的蘋果汁時，更會散發出幽幽的蘋果木煙霧和煙燻香氣 ▲purple Rain($88):有紫薯及Oreo ▲森林區便參照了這個概念，有種時空被扭曲的錯覺，脫離現實世界的煩囂 ▲酒吧老闆係室內設計師，對座位、燈光、擺設都非常講究。 Time Park 地址：尖沙咀棉登徑13-15號棉登大廈地庫電話：3590 8273營業時間：星期一至日3pm-3am 圖片及文字來源: 香港人.遊香港...
呢間位於上環多國料理西餐廳除咗以中西菜式為主打外，仲有泰式和日式加入Menu當中，菜式種類選擇多，啱曬選擇困難症的朋友。老闆對餐廳的食物質素非常重視，堅持和大廚親自到市場選購各種原料，保持菜餚以新鮮食材亮相，貫徹充滿內涵與心思呢個飲食原則。 ▲ 頭盤菜式 : 白酒煮藍青口配法式蒜香麵包 ($68) ▲ 配合白酒煮法，味道香濃，令青口嘅惹味有提升。想食嘅朋友，建議配一杯酸味飲品。 ▲黑松露帶子意大利飯 ($118)，味道香濃，黑松露和淡忌廉煮成的茨汁味道干衡，黑松露唔會搶味。 ▲秘製五花肉叉燒飯 ($78)，叉燒香味豐富又不會太肥，口感嫩口。 ▲叉燒飯的醬汁係自家秘製，製叉燒的豬肉堅持使用本地五花腩。負責人每日到市場親自取貨，回到店面再進行烤製，每日只限售20多份。 ▲ 麻辣蒜片雞粒炒意粉 ($80)，用了四川香料再加上小量辣椒去炒，即叫即炒，鑊氣十足。 ▲ 辣度剛剛好，唔太食辣嘅朋友可以試下。 ▲ 白汁鮮蝦燴意粉 ($108)，採用自家改良的煮法。用蝦與奶煮成白汁，最後再煮意粉，一入口淡出香濃出的白汁和鮮味。 ▲ 餐廳還提供各式台式飲品，其中特飲推薦西柚乳酸椰果綠茶(左:...
