呢間位於葵涌廣場的台式小店，主打創意口味的台式刈包，仲有不少台式小食都十分高質。古早味腩肉刈包只看賣相都知好好味，腩肉肥瘦適中，醬汁惹味又香口，加上粒粒香蒜⋯⋯
今次介紹呢間台灣菜好特別，主要以一間酒樓形式經營，餐廳 整齊寬敞 ，坐落又舒適又光亮，好適合一大班客人進食。除左有唔少經典既台灣菜式之外，仲有點心可以散叫。如果一大班人諗唔到食咩既話，仲可以點選餐廳既超值風味自選套餐，可讓客人自由搭配菜式，分別有四道菜$388、六道$588、八道菜$768，除番每道菜平均唔駛$100，而且食物選擇亦多。 ▲ 台灣花雕蒸膏蟹(套餐升級價$268)：呢道基本上係每台客人都必點的，膏蟹好香花雕酒味，而且每隻都好多膏，蒸既火侯岩岩好，蟹肉都好滑。 ▲ 套餐自選風味菜 – 蚵仔煎：雖然係台式 蚵仔煎 ，但呢度食落去比較似潮州蠔餅，蚵仔份量又多又大大粒，配埋個台灣獨有既醬汁，食落去酸酸甜甜。 ▲ 皮蛋肉鬆豆腐 (散叫台式地道小吃$79)： 呢款做前菜岩晒，同埋鐘意食肉鬆既人一定要叫，皮蛋食落有流心感覺，豆腐好滑又有口感。 ▲ 台南擔仔麵 (散叫$28)：呢碗麵細細地，岩晒細食既女士們，麵條食落爽口彈牙，而肉臊半肥瘦，食落唔肥膩。 ▲ 套餐自選風味菜...
呢間旺角小店推出外區直送外賣服務，除了旺角街坊，其他區的支持者都可以上網訂餐啦。雖然不是區區送，但絕大部份的區例如觀塘區、沙田區、荃灣區、港島區、元朗屯門、將軍澳區都有。上網落單方便快捷，即叫即做即call車送到客人手上，首次落單仲有85折優惠。唔洗去排隊都可以輕鬆食到招牌台式肉蛋多士、芋圓、地瓜球、黑松露芝士飛驒牛竹炭漢堡等。 ▲招牌芝士肉蛋三文治，芝士溶晒和蛋汁多到爆晒出嚟。 ▲自家製三色圓糖水包括有芋圓、地瓜圓、紫薯圓，煙煙靭靱有咬口。 ▲手工芋泥球，即叫即炸熱辣辣，有多款餡料選擇包括鹹蛋黃、豬肉鬆。 ▲黑松露大啡菇意粉，大大個啡菇厚切多汁。 送貨地區參考：https://m.facebook.com/HakPoAlley/ 訂餐網址：https://hakpoalley.boutir.com/?fbclid=IwAR3UeM8iwVz9KbpB7H-Bogg9JZ0gas-Ws86udwMU0dTVjG6VxuloApI_4w8 文字來源: 香港人.遊香港／圖片來源：黑布小巷...
屯門井財街一向美食雲集，呢間開左唔夠一年的甜品店已經突圍而出。主打梳乎里pancake、窩夫等甜品，芝士奶蓋亦見出色。「Oreo 巧克力流心Cheese cake梳乎里」邪惡滿分，王牌「珍珠奶茶窩夫」珍珠夠煙韌，餅底由奶茶整成，d奶茶味出晒黎。鹹蛋控更可以試下新品「黃金鹹蛋麻糬窩夫」，仲有好多款創新梳乎里和窩夫等住你去試。其中一位負責人更是台灣人，想食台灣夜市小食（手抓餅、鹽酥雞、宜蘭三星蔥餡餅等等)，全部一次過可以o係度搵到晒！ ▲「Oreo 巧克力流心Cheese cake梳乎里」 鬆軟的梳乎里配上表層的芝士cream和Oreo朱古力碎碎，諗起都流口水 ▲新品「黃金鹹蛋麻糬窩夫」，店主非常用心咁將成個窩夫餅底都由麻糬整成，非常煙韌，鹹蛋味亦十分香 ▲奶蓋、水果茶等亦不失特色，有顏值又有實力！ ▲ 台灣小食款式多多，鹽酥雞都值得一試 ▲ 小店地方不算大，但勝在環境光猛舒適，行小清新之風，打卡一流！ Appétit Desserts 愛·添 地址：新墟井財街15號金銘大廈地下3號鋪電話：3460 4203時間：星期一至五4:30pm-1:00am / 星期六日及公眾假期...
芋圓夠煙韌 將軍澳最近開咗好多新店，其中一家主打台式小食，當然唔少得芋圓，招牌紅豆芋圓豆花係舖頭自家製，食落好滑身，芋圓、紫薯圓等亦夠煙韌，甜度亦啱啱好。同場仲有好多其他小食包括流心芝士雞扒、鹽酥雞粒同埋手抓餅，其中芝士雞扒、大大塊，即叫即整，夠熱夠juicy，中間仲要係芝士流心嘅，芝味超濃！ ▲手抓餅即叫即整，夠熱夠鹹香 ▲流心雞扒大大塊，即叫即炸，外皮脆卜卜 ▲$25，豆腐花好滑，芋圓甜度啱啱好。 ▲鹽酥雞粒都係另一招牌小食 Gourmet Tasty 地址：將軍澳TKO Gateway東翼地下EF22號舖時間：11:00 – 22:00 文字來源／圖片來源：香港人.遊香港...