人氣甜品蛋糕網店「流浪甜點工作室」於西營盤開設咖啡店「睡飽吃吃」,Cafe裝潢以木系為主調,店外以木門配上白色牆,充滿文青風格調,猶如置身於台灣。而店內有兩層高,空間感十足,加上復古家具擺設,配搭柔和的燈光,令人覺得好舒適。Cafe由一間甜品蛋糕網店開設,售賣的蛋糕及甜品,當然是由「流浪甜點工作室」提供,店舖的招牌蛋糕有戚風蛋糕、卷蛋、麻糬蛋糕、巴斯克芝士蛋糕等等,每日蛋糕款式可能會有不同,亦是限量發售。
這間墨西哥餐廳原本在灣仔開業,早前已搬到西營盤水街,餐廳由墨西哥大廚主理,味道夠正宗,而菜色亦充滿創意,主打各種牛油果及仙人掌菜式,清新又特別!其中炒蛋伴烤仙人掌,以仙人掌切粒入饌,相當罕見,口感有點像秋葵。最打卡之選可說是自家製牛油果雪糕,造型可愛,用牛油果殻載住,幼滑奶味重,中間果核其實是雪葩,似足真的牛油果!
位於西營盤地鐵站附近嘅一間漢堡店,小店主打「Balance Lifestyle」,漢堡主要分為Guilty(牛肉)同Guilt-free(素食)兩類,利用火山石爐燒USDA美國牛肉,店主更親自醃製酸青瓜改良至時候港人口味,當中大家可以挑戰321巨型邪惡漢堡,有三層美國牛肉、雞蛋、番茄、燕麥青瓜和蘑菇,呢個組合簡直無得輸,乜都有~素食漢堡都值得一試~素食漢堡扒由番薯、意大利紅腰豆、鷹咀豆及澳洲燕麥搓製再炸成,外脆內軟配上自家製醬汁好有燒烤風味! ▲邪惡321漢堡,有三層牛肉、雞蛋、番茄、燕麥青瓜和蘑菇,呢個組合簡直無得輸,乜都有~ ▲經典芝士牛漢堡(圖下) 。 ▲牛油果軟殼蟹漢堡,選用原隻新鮮軟殼蟹炸至金黃酥脆。 ▲Signature Mirro Burger漢堡(+$19 combo set),第二層係素肉漢堡扒,由番薯、意大利紅腰豆、鷹咀豆及澳洲燕麥搓製再炸至酥脆,下面過程層就有牛肉漢堡扒、生菜、洋蔥、火箭菜、番茄和美國芝士,外脆內軟,口感層次豐富~ ▲招牌自家醃製酸瓜,店主對待青瓜都落足心機,唔會太甜太酸太辣岩岩好既PICKLES。 文字來源:香港人遊香港/圖片來源:@mirror_burger、@vanessafoodiary、@viv.vom.hk...
位於西營盤嘅一間澳洲Cafe,舖面裝潢用上鮮艷奪目的橙色,醒目的幾何形狀玻璃窗口別樹一格,與老舊的西環區形成強烈的對比。小店主打咖啡、沙律輕食及甜品,小編特別推介佢地嘅Croffle(將牛角包麵團壓成鬆餅),香脆酥軟,共有鹹甜兩款口味,仲可以試埋源自於澳洲墨爾本的Magic咖啡,咖啡入口微酸,帶點焦糖苦甜感,三文魚salad bowl都好fresh。 ▲Oreo碎朱古力和vanilla雪糕Croffle(即將牛角包麵團壓成鬆餅),外脆內酥軟又有牛油香。 ▲源自澳洲墨爾本的Magic咖啡,即牛奶比較少的Flat White,咖啡入口微酸,帶點焦糖嘅苦甜感。 ▲三文魚Salad Bowl,有雞肉或三文魚選擇,其他配料有粟米、牛油果、雞蛋、蕃茄,份量十足。 ▲Lamington朱古力蛋糕配椰蓉。 文字來源:香港人遊香港/圖片來源:@til.todayislong...
呢間位於西營盤藍白色小屋般外形,充滿著歐陸風情的餐廳非常引人注目,店內裝修還帶點外國家庭式溫馨。小店提供高質精緻西餐,每一道菜都擺盤超精美,猶如藝術品。好似前菜把巴馬火腿、水牛芝士和蜜瓜排放整齊形成花環狀,超適合打卡。除了精緻,食物仲非常美味,好似波士頓龍蝦藏紅花鮮茄天使麵啖啖麵都超掛汁充滿龍蝦汁味道,而且大蝦肉質爽彈。而慢煮熟成三十天美國黑安格斯牛柳色澤粉嫩仲非常軟淋,肉汁豐富牛味濃郁。不得不提夢幻藍紫色的蝶豆花加上金黃色檸檬蜜,層次分明而且每粒波波冰粒都用了蝶豆花和花瓣特製,心思盡顯打卡一流。 ▲巴馬火腿(24個月)、水牛芝士、蜜瓜($98) :巴馬火腿、水牛芝士和蜜瓜排放整齊形成花環狀,擺盤超精美。鹹鹹的火腿配上甜蜜瓜令鹹香和甜味更加突出。 ▲是日餐湯($68) :材料豐富,有牛肉粒、番茄粒、甘筍粒等。味道甜甜酸酸好開胃而且牛肉味好濃。 ▲擺盤精緻,碟邊放上秋葵、魚子、食用花裝飾,增加藝術色彩。 ▲波士頓龍蝦藏紅花鮮茄天使麵($198) :天使麵超掛汁,啖啖都充滿龍蝦汁味道,而且大蝦肉質爽彈,店方仲細心地把蝦殼剪開,方便食用。意粉方面軟硬度適中煙煙靱靱。 ▲慢煮熟成三十天美國黑安格斯牛柳(8oz)($368) :色澤粉嫩的牛柳非常軟淋,慢煮熟成關係肉汁鎖緊,牛味濃郁不帶肥膩感。配上色彩繽紛的香甜烤雜菜,增加食慾。 ▲雜莓意大利奶凍($68) :奶凍口感綿滑,奶味濃郁又不會太甜配上酸酸甜甜的冰凍雜莓、曲奇碎和藍莓醬,形成冰甜清新口味,不會吃膩。 ▲草莓蔓越梅特飲梳打(左)($58) :每一啖都飲到甜甜酸酸的果肉,每粒波波冰粒都有花瓣,充滿視覺效果。蝶豆花檸檬蜜梳打·自家漬(右)($58) :夢幻藍紫色的蝶豆花加上金黃色檸檬蜜,層次分明,味道清新舒服。 ▲而且每粒波波冰粒都用了蝶豆花和花瓣特製,配上乾檸檬裝飾,心思盡顯打卡一流。 ▲小店細細間,約20個座位,而且都好多人食,建議大家先Book位! 文字/圖片:香港人遊香港...
限聚令放寬,終於係時候出去玩下喇!今次教你發掘鬧市中好去處,係西營盤打卡熱點影靚相再食特色點心!韓國首爾就有個梨花洞壁畫村,原來香港都有個類似嘅街頭壁畫藝術項目「藝里坊ARTLANE」,搵黎多個本地與國外知名藝術家,係忠正街、奇靈里以及石棧里嘅舊式建築牆面,畫出以「藝術與音樂」做題材嘅壁畫,為社區增添活力。大家準備定相機喇! ▲打卡必到嘅彩虹樓梯 ▲壁畫有兩層樓咁高 ▲麵包店融入實境之中毫無違和感 ▲壁畫人像嘅像真度十足 ▲作品亦唔少得香港場景 同場加映:水街特色點心店 影完壁畫,行幾分鐘到水街就可以黎到呢間以特色包點同蒸點心做主打嘅小店,佢嘅蝦多士炸得金黃酥脆,外面沾滿芝麻,中間嘅蝦滑又紮實鮮香,值得一試! ▲呢間小店嘅名物蝦多士炸得香脆 ▲除左蝦多士,仲有其他特色點心 藝里坊ARTLANE 地址:西營盤地鐵站B1出口附近 周記點心 地址:西營盤水街東利大厦地下H1號舖電話:2559 2389 文字 / 圖片來源:香港人遊香港...
呢間西營盤泰菜由經驗豐富泰廚主理,主打正宗又地道嘅泰國菜,價錢貼地親民,但係份量好大份,性價比好高好抵食!比較多人叫嘅香葉肉碎煎蛋配飯,香葉加上肉碎洋蔥花生一齊烹調,配上半生熟嘅太陽蛋,仲有微微流心,真係泰地道!另外泰式燒豬頸肉配秘制醬汁亦同樣吸引,豬頸肉充滿油香,但係一啲都唔膩,肉質嫩滑,食落爽脆,配合特製醬汁別有風味! ▲ 香葉肉碎煎蛋配飯 ($78) : 啲肉碎份量好多,非常澎湃!用上多款香葉、洋葱、辣椒、 紅椒,所以 好惹味,半生熟嘅太陽蛋亦有微微流心! ▲ 泰道價錢親民,而且份量充足,性價比好高! ▲ 炸蝦餅 ($68) : 蝦餅炸得比較乾身,入口蝦肉爽彈,配合泰式甜酸醬好開胃! ▲ 泰式燒豬頸肉配秘制醬汁 ($78) : 去泰國餐廳必點嘅菜式!豬頸肉火喉啱啱好,肉質爽嫩 ,同廚師特製嘅家傳秘方製醬汁好夾! ▲ 豬頸肉加上炸蒜片令口感更香, 豬頸肉亦好大塊! 文字來源:香港人遊香港 / 圖片來源 :@cantzipmyjeans...
位於半山般咸道的這間日系小店大行簡潔風,以木製傢俱及留白空間為主,充滿日本京都的咖啡廳味道,主要提供日本烘焙咖啡、早餐及甜點等輕食。吐司等賣相精緻,有日本人氣麵包店的感覺;咖啡則是充滿驚喜的日式手沖,入口清爽,最適合悠閒度過一個下午。 ▲ 日本烘焙咖啡 ▲ 吐司等賣相精緻 ▲ 店內裝潢簡潔 ▲ 充滿日本京都的咖啡廳味道 ▲ 最適合悠閒度過一個下午 骨子裡 地址:西半山般咸道38號地鋪2B 文字來源:香港人遊香港 / 圖片來源:@bone.studio、@joman316、@ktsfoodie、@sipsandspaces...
龍蝦控一定會喜歡呢間係西營盤嘅海鮮小店,差唔多每款招牌菜都有龍蝦入饌,而且特別用來自加拿大嘅波士頓龍蝦,以確保品質。餐牌有多款龍蝦主題菜式,包括龍蝦芝士通心粉、燒龍蝦尾、龍蝦湯等。每一款都啖啖足料,鐘意食龍蝦嘅朋友唔好錯過! ▲Lobster Mac & Cheese ($218) ▲Grilled Lobster Tail ($338) ▲Grilled Lobster ($288) ▲Lobster Roll ($248) ▲Lobster Benedict ($168) Lobster Shack 地址:西環西營盤第二街6-8號地舖電話:2381 8138 文字來源:香港人遊香港 / 圖片來源:@lobstershackhk、@foodpraiser、@shershershershersherman、@grand_maison_hk...
限聚令放寬,終於係時候出去玩下喇!今次教你發掘鬧市中好去處,係西營盤打卡熱點影靚相再食特色點心!韓國首爾就有個梨花洞壁畫村,原來香港都有個類似嘅街頭壁畫藝術項目「藝里坊ARTLANE」,搵黎多個本地與國外知名藝術家,係忠正街、奇靈里以及石棧里嘅舊式建築牆面,畫出以「藝術與音樂」做題材嘅壁畫,為社區增添活力。大家準備定相機喇! ▲打卡必到嘅彩虹樓梯 ▲壁畫有兩層樓咁高 ▲麵包店融入實境之中毫無違和感 ▲壁畫人像嘅像真度十足 ▲作品亦唔少得香港場景 同場加映:水街特色點心店 影完壁畫,行幾分鐘到水街就可以黎到呢間以特色包點同蒸點心做主打嘅小店,佢嘅蝦多士炸得金黃酥脆,外面沾滿芝麻,中間嘅蝦滑又紮實鮮香,值得一試! ▲呢間小店嘅名物蝦多士炸得香脆 ▲除左蝦多士,仲有其他特色點心 藝里坊ARTLANE 地址:西營盤地鐵站B1出口附近 周記點心 地址:西營盤水街東利大厦地下H1號舖電話:2559 2389 文字 / 圖片來源:香港人遊香港...
堅持以人手捲製蛋卷,蛋香味同連鎖餅店出品無法相比,最強出品是馳名蛋卷及椰汁鳳凰蛋卷,店主提示要買的要中午之前就要去了,否則沽清就無得恨!原來佢地因捱唔住貴租而宣布結業,今個月最後喇! ▲齒來香由街邊鐵皮檔做起,後來搬入舖內,前舖後工場,11月28日就因貴租而結束營業 ▲手製蛋卷蛋捲好多都係即製香氣濃郁,烘焗程度一致,入口鬆脆! ▲肉鬆鳳凰卷($26)佢地最初只賣蛋卷,之後加入鳳凰卷、芝麻蛋卷、椰絲餅等一系列食品,好多台灣人買手信都買一大堆! ▲椰絲蛋卷酥脆入口即化 齒來香蛋卷 電話﹕2975 9271地址﹕西營盤第三街66號福滿大廈地下 文字來源:香港人.遊香港/圖片來源:@patrickyong、@u.love.food、@smallycomic、@bz_foodie...
行入西環呢個街角,有種穿越到去歐洲既感覺,皆因呢間黑白復古風既Winstons cafe別具一格,望埋去真係以為自己拍緊歐洲電影!呢間小店鋪頭唔大,一字排開既窗邊座位,開放式廚房,令鋪頭唔覺局促。小店的咖啡亦好有誠意,Flat white係佢地招牌咖啡,賣相唔錯,奶滑而厚,仲會附送堅果曲奇,非常貼心。店內外國人居多,坐係店裡面chill下,或者買杯拎走歎下打卡,都係個好選擇! ▲ Cafe位於西環街角位,就咁打卡真係可以呃like以為自己去左歐洲 ▲鋪頭細細但外面都有一整排座位比你慢慢chill ▲店內環境都係以黑白風格為主,非常型格 ▲呢度既招牌Flat White做得非常出色,配上細細塊堅果曲奇味道好夾! ▲鋪頭太多人的話,買杯熱咖啡拎走一樣好有格調 ▲除左咖啡外,鋪頭亦有各種酒可供選擇 Winstons Coffee 地址:西環西營盤皇后大道西213號地下4號電話:25595078時間:星期二至日 07:00–23:00 / 逢星期一 07:00-18:00 文字來源:香港人.遊香港/圖片來源:@winstonscoffee、@blythe514...