呢間私房菜掌廚人Jacky絶不簡單，佢有接近30年嘅廚師經驗，仲喺頂級酒店做咗超過10年，各地嘅美食都難唔到佢！佢開嘅私房菜館唔單止食物高質，仲要好抵食添！每碟擺碟都好靚好精緻，試過嘅客人都讚不絶口。去到必試佢哋嘅原板馬冀海膽意粉，用海膽做底汁煮好嘅意粉口感適中，再配上新鮮韓國海膽一齊上，客人食時再將海膽混入麵中，食落真喺啖啖都香濃滋味！另外烤美國prime安格斯牛小排串標亦好受歡迎，用安格斯牛及新鮮蔬菜串埋一齊燒，牛肉食落好汁，牛味好濃，配埋蔬菜一齊食，感覺好清新！ ▲原板馬冀海膽意粉，用海膽做底汁煮好嘅意粉口感適中，再配上新鮮韓國海膽一齊上，客人食時再將海膽混入麵中，食落真喺啖啖都香濃滋味！ ▲烤美國prime安格斯牛小排串-用安格斯牛及新鮮蔬菜串埋一齊燒，牛肉食落好汁，牛味好濃！ ▲穀飼斧頭扒 ▲想搵個好哋方開Party-呢度就喺一個好選擇啦！精緻美味嘅餐前小食，仲有滋味菜式供選擇！你哋嘅賓客一定讚不絶口！ J.L. Private Kitchen 地址︰香港尖沙咀山林道23號2樓時間︰18:30 – 23:00電話︰9432 4188 文字來源：香港人.遊香港/圖片來源：J.L. Private Kitchen...
呢間粵菜大飯店開業55年，更曾獲米芝蓮推介，馳名既古法菜如金錢雞令人食過翻尋味，古法菜製法繁複，採用上好豬肥肉，金錢雞外型看似油膩，甘甜蜜香，不過店主透露做埋11月中就唔做，計劃改成私房菜或燒臘店，到時有好多古法菜都未必食得到！ ▲金錢雞做法非常繁複，將4種不同食材-肥豬肉、肝、一片叉燒、一片冰肉，疊成一個圓柱狀古代金錢大小，用鐵枝串起來去燒。 ▲金錢雞光澤油潤食落蜜甜油香、層次分明！怕油膩就可以拎個蒸包夾住食！ ▲太爺雞（$228/半隻）係得獎菜式之一，用茶葉、甘蔗、米跟糖來煙薰，薰制後，雞味濃而富煙薰香、肉質特別鮮嫩。 ▲雞蛋焗魚腸（＄88），用上鯇魚腸+油條+雞蛋焗至焦脆，洗魚腸需要小心去泥沙。帶肥膏魚腸同蛋漿 融為一體，魚腸又肥美而甘香。 得龍大飯店 地址：新蒲崗康強街25-29號地下電話：2320 7020/ 2322 3783營業時間：6:00am-11:00pm 文字來源：香港人.遊香港／圖片來源：@keithliig、@agnesmday、@earn_to_eat、@kayekongstyle...
好滋補！ 一入小店，只見餐廳係由村屋底層改裝而成，彷彿進入親戚屋企咁，只擺放3張台，勁有親切感！佢地網站上列明有5款套餐選擇，以人頭收費。小編最初被呢道杏汁豬肺湯吸引住，杏汁豬肺湯步驟繁多，並唔係簡單之作，需要清洗乾淨先可以作烹調，所以豬肺質感一d腥味都冇！豬肺亦咬口軟腍，試一試湯汁，一入口散發微微杏仁香氣，呢個秋冬女士最岩飲用，即時滋潤晒，非常養顏！ ▲先來冰鎮花膠，材料很簡單，只有花膠同青瓜絲，青瓜以鹽水略為浸泡，再伴以麻油，兩者一齊食不失清甜之感。 ▲酥炸生蠔外層炸得酥脆，但粉唔會好厚，選用生蠔大大隻，肉質嫩滑無比，做到外脆內嫩。 ▲杏汁豬肺湯係數一數二既滋潤養顏手工湯水，風乾物燥既天整返碗熱騰騰湯水，真係暖笠笠。由於煮杏汁豬肺湯工序多而繁複，並非間間餐館有得供應，飲左有清肺解熱，養顏護膚之效，小編推介比女士。 ▲京蔥燒魚樣子唔算非常討好，無多餘味精，能帶出食材鮮味 ▲豉油皇蝦，隻隻蝦都係加大碼size，外脆充滿豉油香，內裡蝦肉爽脆鮮甜。 ▲之後就食套餐中主打「糯米大鴨」，不過小編其實都好飽喇，店員一上桌，將皮薄肥美鴨切開，切開只見滿滿生炒糯米飯，而且仲有飽滿栗子同鹹蛋黃拌勻。米飯混和鴨肉香氣，香而不膩，真係愈食愈想食。 ▲紅廚上素，小編覺得成餐最好食係紅燒豆腐！！從來未食過呢個其滑無比既嫩口豆腐，而且外皮煎得香口 ▲傳統紅棗糕嚼勁十足，原來師傅製作時會將棗泥從篩子中擠出，蒸熟時間恰到好處，糕點質感棉密細緻，甜味完全來自紅棗，都幾健康！ 紅廚 地址：元朗朗屏振興新村35座地下電話：67690299 文字來源：香港人.遊香港／圖片來源：互聯網...
