吉列豬扒真喺大人細佬都咁中意。好味嘅吉列豬脆卜卜好香口,味道仲一流,不過要整得好味就好睇廚師嘅技巧同心機啦!呢間位於中環嘅小店主打由鹿兒島三元運到嘅豚肉,而且用上全日本食材。廚師將豚肉切得大細一致,切斷邊緣上嘅筋膜,令炸時不會捲起,加上鹽同黑椒等調味,再沾上蛋漿,最外層再裹一層麵包糠就可以落油鍋炸啦!炸出嚟嘅豚肉外層鬆脆,未食都可以見到裏面肉汁非常豐富。如果想一次過試多款豚肉,可以試下佢哋嘅Porker Set,呢款定食包含咗西冷及牛柳兩款扒,配埋薯蓉、湯、白飯同椰菜絲,包你食完捧住個肚! ▲PORKER定食$220-有前菜、湯、白飯、薯蓉、椰菜絲、西冷及豬柳,超大份。 ▲吉列熟成豚西冷咖哩$200-豬柳大大塊,咖哩汁好有日式FEEL唔喺太甜,少少辣! ▲豚肉炸得好夠火喉,外面軟脆,裏面仲喺嫩滑多汁,正! ▲滑蛋吉列熟成豚蓋飯-軟糯嘅日本飯上,放上招牌吉列豚西冷、雞蛋、祕製醬汁及洋蔥,配上豚肉味噌湯及漬物,你一定會中意! Porker 地址︰中環威靈頓街55號地庫時間︰12:00 – 1430、18:00 – 2300,逢星期日休息電話︰67065298 文字來源:香港人.遊香港/圖片來源:@sukimpy、@justfood_hk、@hkfoodiesilvana、@cammygm...
以為白飯任裝得canteen先有?今日小編發現原來位於長沙灣呢間日式料理店都有!黎得呢度大部份食客唔係食吉列豬扒就係鰻魚飯。吉列豬扒炸粉薄薄鋪上一層,食落香口鬆化,而微焦脆口既鰻魚,肉質肥美,兩樣都令人食指大動。最最重要係呢度 白飯同沙律都係無限添加,吃貨唔怕唔夠食! ▲吉列豬扒飯定食($98)豬扒表面炸成金黃酥脆,豬肉厚實嚼勁十足,油脂肉味十足。 ▲蒜香醬漬三文魚丼($68)對於三文魚控黎講係福音,真係超抵食!丼飯一半鋪上新鮮三文魚刺身,另一半鋪上蒜香醬漬三文魚粒,性價比極高! ▲鰻魚飯定食($88)鰻魚外皮燒至微焦脆口,肉質肥美可口,食成舊都唔覺肥膩! ▲吉列豬扒飯定食($98)套餐包括沙律、日式蒸蛋、麵豉湯同白飯,當中沙律同白飯仲係任添。呢度老闆非常重視食客健康,因此沙律菜取材亦非常新鮮。 大丈夫食堂 地址:長沙灣福榮街541號地下電話:23380780營業時間:11:30 – 15:00,18:00 – 22:30 文字來源:香港人.遊香港/圖片來源:sgirl886、rubibi、irischanpy、emilie_wy...
蘇施黃推介!!! 呢間日式小店門口Lunchtime經常有人龍,價錢經濟實惠,味道有驚喜。招牌推介黃金鬆化嘅吉列豬扒定食!吉列豬扒用上梅頭豬扒,而且完全唔用鬆肉粉,純人手揼至肉塊軟腍,豬扒肉質軟嫩,吉列粉漿唔會過厚,十分香脆! ▲豬扒炸到金黃鬆化但並不油膩,吉列粉漿亦不過厚。 ▲呢間日式小店門口lunchtime經常有人龍。 ▲鹽燒油甘魚頭每日限量供應。 大丈夫食堂 地址:長沙灣福榮街541號時間:11:30 – 15:00、18:00 – 22:30(星期六休息)電話: 2338 0780 文字來源:香港人.遊香港/圖片來源:大丈夫食堂...