西灣河太安樓南國紅豆餅車輪餅超受歡迎，其內餡台灣萬丹紅豆綿密，味道清香唔會死甜。而係鑽石山姊姊店南國小喫主打既傳統又好味既冷糕小食，冷糕做到外皮香脆，內裏軟綿綿。近月又係銅鑼灣開新店，除左冷糕之外，仲特意推出新品手工麻糬蛋糕燒系列，係今次新店限定！蛋糕燒有4個口味包括原味、朱古力曲奇、肉鬆及蜂蜜，全部都係即叫即製，食材雞蛋都係日本鹿兒島直送，好有蛋香！
▲朱古力碎碎奶蓋手工麻糬蛋糕燒（$28）朱古力碎碎都係Oreo，呢個係最受歡迎口味，同香軟蛋糕口感好夾。
▲朱古力碎碎奶蓋手工麻糬蛋糕燒（$28）香軟蛋糕夾心包住粒粒煙韌麻糬
▲蜂蜜鮮忌廉味手工麻糬蛋糕燒（$28），蛋糕燒散發蜂蜜味，忌廉奶味好濃。
▲懷舊冷糕（$18）近年絕跡既小食，呢間小食店最近重現返出黎！傳統冷糕夾住白芝麻、花生碎、椰絲、砂糖。
▲朱古力二重奏冷糕（$22）特濃朱古力+Oreo餅碎
南國小喫（銅鑼灣店）
地址：銅鑼灣景隆街3號地舖
文字來源：香港人遊香港 / 圖片來源：@b612_shop、@peary121、@_hobbitkitchen_、@who__n__i、@ho_emily_ho