鑽石山小食:【爆餡懷舊冷糕!仲有爆餡朱古力味!太安樓人氣紅豆餅小店開姐妹店!】- 南國小喫

南國紅豆餅係太安樓既人氣店,近幾個月係鑽石山開設姐妹店,除左爆哂餡既紅豆車輪餅之外,竟然將懷舊冷糕重現街頭!冷糕呢款小食近年絕跡,重現令好多7、80後都表示好懷念,以軟綿綿烘煎蛋糕底,夾入炒香了芝麻、花生碎同砂糖,食落皮脆餡香甜,味道非常層次豐富,十足十大碼既銅鑼燒。當然呢度既紅豆車輪餅都唔可以錯過,台灣萬丹紅豆內餡綿蜜十足,仲有好多新口味加入!

▲冷糕係以前既街頭小食代表,叫做「冷」,係因為以前真係冬天先有!

▲傳統冷糕口味($18)係加入白芝麻、花生、椰絲同糖,好似食緊糖蔥餅咁!

▲小店更加入三重朱古力冷糕($22),內層鬆軟加上特濃朱古力醬加入Oreo餅乾碎

▲招牌紅豆車輪餅($12)呢個經典口味係皇牌黎,皮脆內軟且餡料十足,真係超多紅豆蓉!

▲高山烏龍茶吉士車輪餅($14)高山烏龍茶吉士散發清新茶味,皮薄餡多。

南國小喫

地址:鑽石山龍蟠街3號荷里活廣場地下G102B號舖
電話:26206166
營業時間:07:30 – 22:00

文字來源:香港人.遊香港/圖片來源:@happymuffintop、@foodie_ball、@dm_lau、@deniseleeabab