山林道有一間玩味風格既西式加日式菜，呢間個餐牌同埋裝修都好用心，鋪頭有唔少霓虹燈裝飾掛係牆上。同埋餐牌上啲食物名好搞笑，睇完個名都唔知其實係咩食物，同埋餐封面幾盞鬼，話咩所有油炸食物均加入「美味配方」烹調，放心絕非大麻。仲有寫明製作需時，想快去m記！除咗菜式啲名夠玩味之外，菜式設計都有玩味元素，就好似邪王炎殺黑龍意粉，原來係一客會倒酒點火，然後火燒意粉。呢間餐廳必食門西牛魔王vs蝦兵蟹將，基本上每一枱客人都會叫黎食！

▲門西牛魔王vs蝦兵蟹將 ($329):拼盤可以揀豬仔骨/炸魚柳或者安格斯牛排，但牛排要再加錢！另外仲會有龍蝦、炸雞翼、炸軟殼蟹、啤酒薯條作配菜。呢個份量都好多，好岩一班人叫黎Share食！

▲醬油風白汁三文魚意粉 ($108):個味食落去幾特別，整體都好食！

▲哈哈！龍式特濃蕃茄醬意粉($95 Lunch Menu):番茄醬超多超濃，有埋新鮮龍蝦、虎蝦作配菜。

▲MK鰻魚蛋包飯($118):鰻魚都幾厚身又唔多骨，加上店主秘製醬汁，食落去好惹味。不過其實唔係一個蛋包飯，只係炒蛋放左係啲飯上面。

▲餐廳打卡位，係以懷舊香港為主題，都幾用心係裝飾上面。

▲另外一個打卡位，獨角獸，呢個位就比較西方化。

JUST’er Bar & Restaurant

地址:尖沙咀山林道13號地下A1-A2號舖
營業時間:星期一至日 11:30 – 23:00
電話:23415628

文字來源：香港人.遊香港／圖片來源：@realfoodieinhk、@samko_267、@justerestaurant、@cc__chow