葵廣美食2023｜新開吉拿棒小店 大推港式花生西多味！新鮮即炸外脆內軟 多款自家製配料
葵廣呢間新開嘅小店，主打西班牙吉拿棒，啱哂一班甜品控呀！佢哋嘅Churros係每日新鮮即炸，保證金黃香口，食到外脆內軟，富有空氣感嘅口感！而且有不少配料，包括雪糕、醬汁、茶凍等都係自家手工製作！共有6款新地杯口味，有鹹有甜，亦可以自選配料，配搭出喜愛嘅口味。
當中「傻花生搖滾派對」味就充滿港式風味，肉桂味Churros配上超濃郁花生奶醬，鹹甜味都同樣突出，味道似倒上極多煉奶嘅花生醬西多士！鍾意食甜品嘅朋友千祈唔好錯過呀！
▲傻花生搖滾派對（$55）：充滿港式口味，肉桂味Churros配上超濃郁花生奶醬，鹹甜味都同樣突出，味道似倒上極多煉奶嘅花生醬西多士！而且配料仲有爆炸糖、脆多士、桃哈多等，口感超多元！
▲小店的雪糕為手工製，另外不同口味的醬汁、茶凍等配料都係自家製作。Churros每日新鮮即炸，口感外脆內軟有空氣感！
▲王卡衛朱古力廠（$55）：朱古力控必食！使用法國Valrhona可可粉、自家製朱古力手工雪糕、85%黑朱古力醬及布朗尼、法國Cocao Barry 薄脆片和燒棉花糖。
▲路飛的下午茶（$55）：比較清新的口味，以玄米茶手工雪糕做底，加入玄米茶凍、糯米糍等配料。雪糕使用丸久小山園玄米茶製作， 而茶凍亦使用熊本縣玄米茶新鮮泡製，所以整體茶味清香突出，甜而不膩！
▲小店以紅白裝修為主，大家不妨去葵廣試一試！
Bunny Churros
地址：葵芳葵涌廣場2樓2023號舖
營業時間：13:00-21:00
文字來源：香港人遊香港/圖片來源：@likkolifelog、@bunnychurros