紅磡美食 酒店鐵板燒生日慶祝一流 食原隻波士頓龍蝦
鐵板燒推介！呢間位於紅磡都會海逸酒店的日式料理店，推出了親民價日本A5飛驒和牛和原隻波士頓龍蝦做主題的鐵板燒套餐。飛驒和牛鐵板燒套餐一共有8道菜式，包括鮑魚、鵝肝、煙三文魚沙律等。主角飛驒和牛牛味濃郁、油脂分布均勻、肉質軟腍，入口甘香。而波士頓龍蝦套餐方面一共有5道菜，原隻爽彈龍蝦肉配上鮮甜龍蝦膏更是鮮味十足，除龍蝦外更可以選配包括神戶豚肉、廣島蠔、美國牛肉等美食配搭自由度極高，總有一款啱口味。店家設有不同的套餐，平有平食，貴有貴食，啱晒生日慶祝，朋友聚會！
▲A5飛驒和牛厚燒，表面金黃，中間保持粉嫩多汁。
▲A5飛驒和牛厚燒入口充滿油脂甘香配香脆蒜片更惹味。
▲原隻波士頓龍蝦，龍蝦肉彈牙又豐滿加上鮮甜龍蝦膏更鮮味。
▲南非鮑魚牛油燒，鮑魚味突出而且質地柔軟，易入口；醬汁燒帶子，帶子肉厚身又嫩滑，醬汁更帶出鮮甜味。
▲神戶豚肉薄燒，豚肉金黃甘香，配雜菜減少油膩感。
▲除了食物打卡-able，師傅都搏命玩火表演，多感覺體驗。
▲煙三文魚雜菜沙律，配上柚子汁夠醒胃。
▲香蒜高菜炒飯，飯粒分明夠乾身而且充滿蒜香；炒烏冬，烏冬麵質煙韌彈牙和雜菜一起炒清新爽口。
▲餐廳仲有多款刺身可選擇，當中包括拖羅。
千鶴
地址：九龍紅磡都會道7號都會海逸酒店8樓
電話：3160-6898
價錢：
千鶴A5飛驒和牛厚燒御燒：星期一至四 $825/ 星期五至日，假期及前夕 $880
千鶴昼午鐵板燒定食：$488-$518
文字：香港人遊香港