呢間日式丼飯專門店主打丼飯套餐，午市套餐相當抵食，除左有主食丼飯之外，仲有沙律、麵豉湯、甜品同飲品，而晚市冇咁多野附送，不過就多好多選擇！當中麵豉湯仲有得免費添飲！呢度最多人食佢地既爆丼，有成9款魚生咁多，款款份量大厚切新鮮，另一款人氣之選就有甘蝦海膽丼，海膽有成半版咁多，以良心價錢就食得到！不過如果唔想食生野呢度都有其它熟既丼飯，好似有火炙狂牛丼，牛肉烤過將惹味肉汁鎖住，調味醬汁咸香得宜！ ▲北海道魚生爆丼（$178）一碗丼飯有9款刺身包括海膽、帆立貝、三文魚、甜蝦、鯖魚、吞拿魚、油甘魚、三文魚籽及玉子，全部都係厚切！ ▲甘蝦海膽丼（$148）海膽份量有成半板咁多！海膽色澤鮮潤，食落口感新鮮鮮甜，配上大大隻質軟味甜既甜蝦，配上珍珠米醋飯。 ▲溫泉蛋慢煮燒牛丼($128)牛肉口感軟糯，配上這裡秘制的醬汁 ▲雞軟骨大粒脹卜卜，咸香十足。 ▲店內貼有大量文宣 ▲等候區都貼滿文宣漫畫，店鋪有支援手足。 大勝丼 地址：旺角彌敦道594-596號旺角新城5樓電話：36187488營業時間：星期一至日 12:00 – 15:00、17:45 – 22:30 文字來源：香港人遊香港／圖片來源：@ineedsomeyellowfood、@msanniefong、@_eggyolkdiary...
