黎深水埗食豬潤都會聯想起維記，但係呢間人氣食店都變左網紅店，好多時都要排隊，其實深水埗食豬潤有另一間，一樣出名同好味既食店，豬潤比更厚切，湯底味濃濃。另一個不得不提既圓型西多，比其他既更軟棉鬆軟，真係有梳乎厘既空氣感架！ ▲西多士（＄34）外型係圓形，做法先將蛋白打發成至挺身，之後再慢慢混入蛋黃再打，最後才把麵包去沾蛋漿，再以低溫慢炸至金黃。 ▲西多士（＄34）西多士係即叫即製，要等20分鐘以上 ▲豬潤麵（＄34）有成1CM厚切豬潤食落爽滑！湯底唔會好濁，好多人都一飲而盡！ ▲豬潤牛肉麵（＄34）豬潤覺得寡得滯可以配埋牛肉，咁樣湯底就較濃。 ▲南乳豬手粗麵（＄34） 豬手處理得乾淨，用乾䓤頭、蒜茸爆香金黃，再落南乳醬，炆到軟淋入味。 漢發麵家 地址：深水埗大南街192號電話：23807068營業時間：星期一至六 07:30 – 17:15，星期日休息 文字來源: 香港人.遊香港/圖片來源: jeffylfm、sillysillya_foodie、ms.hearts_kitchen...
咪以為出街食麵呀食茶餐一定好千篇一律？其實每間都有佢地特色！好似大圍呢間咁，豬潤麵係用老薑湯配，巧妙利用薑湯特性辟去腥味，口感實淨，食落味道非常濃郁！食客仲推介佢地溏心鴨蛋同豬油渣麵，一樣好吸引！！ ▲薑湯豬潤爽麵($32) 老薑湯豬潤麵果真係真材實料，湯底仲殘留薑渣，淨飲會有啲薑味微辣，配麵食就岩岩好！ ▲薑湯豬潤爽麵($32)豬潤雖然唔係好大件，勝在易入口，味道入味且軟硬適中。 ▲溏心鴨蛋($11)溏心蛋最重要的就是半凝結，呢度完全做到哂！而且鴨蛋味道較雞蛋濃郁！用上豉油、花雕酒作醃汁，食落半流心。 ▲豬油渣麵($30)湯底係豬骨湯，有濃濃香菇味，佢地呢個絕對係健康版！豬油渣炸得唔算好油膩，中間有小量瘦肉，感覺不鹹不膩，菜甫是爽口亦帶辣，真係好夾！ ▲必點仲有蒜蓉煎麵包 ($18)將鮮牛油滿蒜蓉同牛油後落鑊煎香，煎至金黃甘香、外脆內軟，真係好香！ 品記麵食 地址：大圍大圍村第十街6號地下營業時間：11:00–18:00，星期二、三休息電話： 6283 2378 文字來源：香港人.遊香港／圖片來源：@linsheep、@harriekwc68、@igg2016、@martinmeanmax...
