今次介紹呢間Cafe位於葵涌隱蔽位，唔近地鐵站，需要行一段路先到，不過因為價錢平野食又好食又大件，都吸引到唔少人黎食。餐廳12點先正式營業，但12時半就已經滿座要排隊，有時有啲午餐都會賣晒添，想食都係早啲黎排隊好啲！呢間Cafe裝修較日式，掛滿唔少乾花擺設。雖然呢間係一間Cafe，但都有供應一啲飽肚既午餐，唔係淨係得咖啡同蛋糕。 ▲紐西蘭西冷配黑椒汁意粉(午餐套價$46):西冷牛排大件到，可以揀薯菜、飯或意粉。 ▲咖哩吉列豬肉眼排意粉(午餐套價$68):豬排炸到好脆，豬排都幾嫩肉，唔係好鞋既肉，而咖哩汁都好濃味。 ▲茄汁芝士豬排焗飯(午餐價$48):豬排較為薄身，不過配埋芝茄醬好味！芝士焗完仲有拉絲既效果添！茄汁又唔會太甜同太酸！ ▲Mocha($38/套餐加$17):拉花拉到幾靚，聞到好香咖啡味，而朱古力同咖啡份量好平均，飲落去吾會好甜同埋太濃咖啡味。 ▲室外既位可以帶狗狗黎坐嫁！ Cozy Cafe 地址:葵涌打磚坪街1-25號寶星中心地下5號舖營業時間:星期一至五11:30 – 22:00/星期六至日10:00 – 22:00電話:23522933 文字來源：香港人.遊香港／圖片來源：@wingyanyoanna、@jan.jan.ng、@betbetmo、@christinefung_tine、@anniiliu...
