一向茶飲店多數沖鳥龍茶、鐵觀音和普洱為主，而呢間主打健康新鮮嘅大埔茶飲店有龍井茶嘅夏日水果特飲，係店內人氣飲品之一，甜酸味道調較得啱啱好，加入火龍果肉同百香果籽增，提升飲品口感。除咗龍井茶飲，仲有賣各款新派雞蛋仔，選用新鮮泰國雞蛋，口味其中有抹茶控必食嘅綠茶紅豆雞蛋仔，特製香濃斑斕雞蛋仔較為特別。 ▲百香火龍龍井茶($29)，甜酸程度適中，有火龍果肉同百香果籽，增加口感 ▲只要搖杯茶飲，入面嘅火龍果天然顏色同茶混合，變成杯紫紅色 ▲特製香濃斑斕雞蛋仔($18)，蛋漿仲要選用新鮮泰國雞蛋，即日製蛋漿，斑蘭味道香濃，未食已經陣陣香味 ▲健康主打飲品係青檸梳打水($24)，將泰國青檸切成片狀，加半隻黃檸檬，混合梳打水，篤完檸檬再飲，味道好清爽，夏天飲好開胃 ▲金拱門蘋果餡格仔餅($28)，格仔餅底好鬆脆，蘋果餡滿瀉，味道香甜。呢間店係反送中運動有響應8月5日罷工，支持民主自由 TakEateasy X FirsTeǎ 地址：大埔寶湖道3號寶湖商場2樓227F號舖 電話：6929 2609 營業時間：11:00 – 21:00 文字來源：香港人.遊香港／圖片來源：takeateasy_x_firstea、winwinlee19951224、takeateasy_x_firstea、nicola_gloss]]>...
九龍城不嬲多好嘢食，除咗泰國菜之外，都有唔少值得一試嘅Cafe。呢間Cafe嘅老闆曾經去過澳洲學沖咖啡，咖啡嘅質素有保證，入口香醇，其中配有雪糕嘅Affogato好啱鍾意食甜嘢嘅人。另外仲有近年好興嘅Eggs Benedict，一般會喺水煮蛋同鬆餅之間夾住火腿或者煙肉，呢間Cafe就用咗三文魚，鍾意呢款菜式嘅人一定要去試下，而餐廳仲有素食menu，而最近cafe仲多次表態，支持社會運動！ ▲Cafe陳設以木材、綠色植物，主要係簡約風格，打卡啱哂。門口仲有膠箱，比人等位坐 ▲Signature Avocado & Pesto ($118)，兩隻水煮蛋加埋香草醬，真係睇見都流口水。 ▲Banana Waffle Caramel, Fruit, Gelato ($88)，既然係Cafe，當然唔少得甜品。 ▲Affogato Mocha ($65)，可以同時當係飲品同甜品。 ▲Latte Macchiato ($32)，拉花圖案非常之靚！ Gladys’ Estate Coffee 地址：九龍城獅子石道6-8號美景樓地下電話：6990 2795營業時間：星期一、四至五 7:30 – 18:00；星期二 7:30 – 15:00；星期六至日 8:30 – 18:00 文字來源：香港人.遊香港／圖片來源：@hkcafeaddicts、food_soldier_hk、micng.hk、leicasimon...
No More Content