池上便當唔多唔少代表住台灣嘅鐵道文化，佢源自臺灣臺東縣池上鄉，以使用產自該地區嘅稻米同埋以木盒裝盛而聞名。相信大家都好想可以快啲去台灣，亦好掛住台灣牛肉麵！呢間台式便當嘅牛肉麵非常濃郁，牛肉份量唔少，好軟滑。配料亦好豐富：半隻滷水蛋、粟米粒、小唐菜、香辣薺菜同紅蘿蔔， 一份便當已經食到好飽！ 餐廳仲有多款小食，包括香脆古早味香腸，令人食唔停口！呢間台式便當有5間分店，方便隨時回味台灣味道！ ▲ 台灣牛肉麵 ($66)：紅燒湯底夠惹味，牛肉味好香，肉厚軟腍！ ▲ 台灣麵好軟好滑，連紅燒湯底一齊食更加香口！ ▲ 台灣滷雞扒便當 ($63)：一大塊非常入味又好嫩嘅滷水雞扒，另外有半隻蛋、粉絲、粟米、椰菜等配料！ ▲ 台灣古早味香腸 ($25)： 充滿台灣夜市風味！香腸表皮甜甜地，亦好香脆！ ▲ 加錢可以轉台式飲品，更加感受到台灣風味！ 文字來源：香港人遊香港 / 圖片來源...