灣仔新開的法日扒房，主打一系列糅合法日料理特色的扒房，廚師除了巧用醬汁特岀牛肉的鮮味，更引入少見的日本A5神戶酒粕牛和日本 A5 雪室熟成和牛，當中日本A5雪室熟成和牛更是每日限量供應，肉質細膩，牛魔王必試！
觀塘巧明街工業大廈真係超多好西食！自疫情之後，食肆都各出奇招推出特價優惠！BELLA SHINE一直用上高級食材、健康烹飪手法，售以平民價，令西餐餐點都有更見別致。肉食控必食呢個牛扒放題，成人價$258就可以120分鐘內先食波士頓龍蝦及鵝肝凍批多士作為前菜，再開turbo任食牛扒、黑豚肩扒，仲有餐湯、薯條無限添食，真係又抵又吸引，只要食足兩塊扒都已經回本，想再抵返條數，一定要tag身邊大胃王就一齊去挑戰下！ ▲呢間隱世工廈最近新推2小時任食，澳洲安格斯肉眼扒及西班牙黑豚肩扒！ ▲每份任食牛扒都配有沙律菜及薯條！ 餐湯每晚都係廚師發辦，次次黎都可能有唔同驚喜！ 前菜香草焗波士頓龍蝦及鵝肝凍批多士！ ▲120分鐘可以任食美國安格斯肉眼牛扒及西班牙黑豚肩扒，星期一至四成人收費$238，而星期五、六則係$258 ▲如果牛扒放題都係唔夠食，加$78任食日本生蠔一定食到大滿足！ ▲除左任食牛扒之外，其它美食都好愛歡迎，例如有呢個軟殼蟹咸蛋意粉，每條意粉都掛上濃濃咸蛋醬！ ▲脆焗豬手表面皮脆，中間都保持到煙韌口感，肉質唔會變得乾柴，加埋烤蒜頭軟糯香甜！ 文字來源：香港人遊香港 / 圖片來源：@hkfooddrill、@yvon_tam、@slimfoodiehk、@mrpigmisspanda、@hkpigfood852、@marylamlam...
呢間位於元朗既火山熱石牛扒專門店，採用日本常用的自動販賣機點餐，好有日本feel。店內所有牛扒都是來自美國，提供四款牛扒包括哥士牛扒、牛柳、西冷牛扒、安格斯牛扒。而且可以選擇不同重量，分別有180g、300g和400g，大食細食既人都照顧周到，最平只需要$78就食到。牛扒會煎到3成熟再放上非常高溫的火山石上，生熟度由你控制，五成又得全熟又得非常自由。餐廳仲有個沙律吧區域，珍珠米白飯任裝、沙律任食、飯素任加，仲有超足料羅宋湯任飲。 ▲牛柳180g（$88）厚身大塊，肉質軟腍沒有筋。 ▲安格斯牛扒180g（$148）有牛味，肉汁豐富。 ▲牛肉既生熟度自由控制。 ▲超足料羅宋湯，有大大塊牛肉片仲有勁多蕃茄，紅蘿蔔等材料，味道超濃郁。 文字 / 圖片：香港人遊香港...