邊個話去銅鑼灣食野一定富麗堂皇？係地鋪街邊食泰北菜都有架！呢間係小編係銅鑼灣工作既朋友介紹既，佢位於銅鑼灣車房附近，係好多打工仔既Lunch 飯堂！朋友就推薦佢地香葉肉碎炒飯，d飯真係炒到粒粒分明，而且飽滿既飯粒索滿醬汁好夠味，重點當然係上面果隻流心蛋，撈埋惹味既炒飯真係一流！ ▲香葉肉碎炒飯（＄60），用上九層塔葉加埋泰式調味料，上台時果真香氣十足，而且上面頭加隻荷包蛋更美味 ▲香葉肉碎煎蛋飯，香葉混入肉碎再炒豆角，將香辣惹味層次提升！ ▲海南雞飯（＄64）海南雞已去骨, 食落好滑啖啖肉，醬汁有薑、辣椒同青檸係海南雞飯靈魂所在！ ▲呢間位於銅鑼灣既泰國餐廳，難得地有戶外位，呢d天氣都好多人坐！ 泰滋美 地址：銅鑼灣希雲街33號A地下電話：25777822營業時間：11:30 – 23:00 文字來源: 香港人.遊香港/圖片來源: chopsticksdiary、snapeats、lokrry、leowoo611...
呢間餐廳雖然叫green waffle，但好多薯仔控、芝士控都係為了芝士薯仔粒而來。芝士同薯仔呢個永恆的配搭，邪惡指數no.1。車打芝士拉絲超濃郁，薯仔粒外脆內軟，大小適中有口感，加埋兩隻流心蛋撈埋一齊，無論視覺定味覺上都係一大享受。主菜有多種選擇，意大利飯等味道亦唔失色。另外有招牌甜品窩夫，微暖的窩夫外脆內軟，可自選一款Movepick雪糕，配以新鮮水果，好滿足啊！ ▲位於銅鑼灣希慎廣場的餐廳環境舒適唔擠迫，非常加分 ▲薯粒鑊仔有多種配料可選(煙肉、牛肉粒、磨茹等)，無論點配都極度邪惡 ▲如果嫌芝士太膩，店裡都有其他健康之選，呢款烤雞沙律都好滋味 ▲Risotto都非常入味，米飯粒粒分明有口感 ▲餐廳名叫得做waffle，窩夫都絕不失色，外脆內軟的窩夫配軟滑雪糕，為呢餐劃上完美句號 Green Waffle Diner 地址：中環嘉咸街35-39號嘉豪大廈地舖電話：28879991時間：星期二至六 09:00-22:30 / 星期日及公眾假期 09:00-18:00 / 星期一休息 地址：銅鑼灣軒尼詩道500號希慎廣場13樓1303號舖電話：28805123時間：星期一至五11:00 – 23:00 /星期六至日10:30 – 23:00 文字來源：香港人.遊香港／圖片來源：＠greenwafflehk 、@tastytommy...