漢堡包大家食得多，但咕嚕雞肉、麻婆豆腐、北京填鴨、軟殼蟹漢堡你又試過未？呢間位於太子餐廳自家烘焙研發出多款特色漢堡，充滿本土特色！所有麵包都自家烘培非常鬆軟，「咕嚕雞包」將大家熟悉既菠蘿咕嚕雞球化成漢堡，雞肉炸得夠脆，煮過既菠蘿又厚又多汁，同個雞肉非常夾！「北京填鴨包」食落似足片皮鴨，連個填鴨醬都似到十足，鴨肉夠味又唔難咬，完全大推！仲有麻婆豆腐漢堡、軟殼蟹漢堡你等等都好受歡迎！小店最近仲研發緊純素餐單，例如純素麵包布甸+薑味雪糕夠晒特別又有本土味，值得一試，絕對有驚喜！ ▲餐廳獨創既特色漢堡，包括「咕嚕雞包」（$66），將菠蘿咕嚕肉變成漢堡包，除左麵包皮夠鬆軟外，成個配搭都好有驚喜！ ▲雞肉炸得勁脆又Juicy，一啖咬落去又有雞肉既嫩滑又有爆汁既菠蘿，好特別！ ▲呢個「北京填鴨包」（$66）神還原片皮鴨既風味，連個醬、蔥絲同青瓜都加埋落個包度，好似食緊真既片皮鴨一樣！ ▲「麻婆豆腐漢堡」你又敢唔敢試？ ▲「陀地西多」($66)個麵包都係自家製，炸過但唔油膩，上面係花生味雪糕同花生醬，一熱一凍完成冰火享受，一般西多士完全冇得比啊！ ▲餐廳最近仲研發緊純素菜單，呢款麵包布甸+薑愈老愈辣雪糕+腐皮脆脆就係其中一個製成品，以後就有健康既甜品食啦！ 包販子 地址：太子通菜街254號地舖 電話：2656 5605 營業時間：12:00 – 22:00 文字來源：香港人遊香港 / 圖片來源： @baofanji、@eatwith4feipor、@pig_out_ig...
讀音為「山卡啦」既呢位餐廳好神秘！正如佢既霓虹招牌「啡酒」，雖然店內環境似酒吧，但裝修設計又大玩本土懷舊風，「跑馬射蚊鬚」霓虹燈夠醒目，但呢個上世紀既歇後語你又明唔明？呢度既係酒吧又係coffee shop，多款本地手工啤酒同創意cocktail都全日供應，放工黎啤一啤又得，午後黎歎杯酒又何嘗不可？除左本土手工啤酒同精品咖啡，呢度既小食、串燒同意粉都同樣做得出色，招牌菜「馬拉蜆熱鍋」（其實是白酒牛油汁）配意粉，蜆夠新鮮大隻，配酒一流！大推！ ▲餐廳位於銅鑼灣同跑馬地之間，其實位置都唔算「山卡啦」，霓虹燈牌大添懷舊風味 ▲呢度既係酒吧亦係Cafe，食物有中式西式泰式亦有串燒，各種元素融合，玩味十足 ▲支持本土唔係只係口號，呢度既手工啤酒選擇甚多，多由香港酒廠如少爺麥啤、麥子等等釀製 ▲精品咖啡都係呢度一大賣點 ▲招牌菜「馬拉蜆熱鍋」即白酒煮蜆意粉，陣陣酒香牛油香非常開胃，食物水準甚高 ▲喝酒又點少得串燒？ ▲甜品梳乎里都絕不失色，有空間感，不甜膩 山旮旯 地址：銅鑼灣摩理臣山道84-86號香港銅鑼灣太平洋帆船酒店地下電話：28712269營業時間：7:30am – 1:00am 文字來源: 香港人.遊香港/圖片來源: @sankalahk...