呢間係第三家打正成都旗號來港既麻辣火鍋店，仲要係歌手陳柏宇有份投資，環境以古式風格為主，紅油麻辣鍋係必點湯底，湯底係加入牛脂肪秘製牛油，又香濃不過唔算膻，湯底會愈打愈辣，如果想再香d，可以去自助醬料區拎自家一罐罐麻油加入個湯入面，呢度必點龍廚八寶摩天輪，有一份少女心，打邊爐之餘有得打下卡，而鐘意食辣既朋友仔，就可以試下巴蜀麻辣牛肉，係個勁辣麻版本牛肉，麻辣辣到出火！ ▲麻辣紅油拼藥膳湯底($138)麻辣紅油湯底勁重麻辣味，麻辣味道層次豐富，係用好多辣椒煮成，超級惹味，而白色藥膳湯底就充滿濃濃藥材味。 ▲龍廚八寶摩天輪 （$118）用摩天輪架裝下午茶就見過，以摩天輪架裝手工丸同餃子呢d火鍋料好似第一次見！手打墨魚肉、牛丸、雲吞、鮮蝦丸、鮮蝦水餃 ▲牛舌花（＄78），可見刀工同擺盤功夫同心思 ▲極品手切肥牛（$198） ，餐廳建議打邊爐只需煮佢12秒，肥牛油脂紋路分布平均，入口甘香鬆化、軟滑，牛味濃郁。 ▲巴蜀麻辣牛肉（$108）係新鮮牛肉鋪上滿滿辣椒，愛食辣一定要挑戰！ 雲長小龍坎（尖沙咀） 地址：尖沙咀金巴利道28號君怡酒店1樓 電話：24992223 / 25919699 營業時間：12:00 – 01:00 雲長小龍坎（銅鑼灣） 地址：銅鑼灣記利佐治街1號金百利廣場7樓R3室 電話：27613300...
