次次行過油麻地，呢間黃巴士造型嘅小店都好吸引小編嘅注意，皆因每次經過都大排長龍！呢間小店主打即叫即製，新鮮熱辣辣入口即溶嘅梳乎厘，蛋香味好突出，質地厚而實，唔會輕飄飄，完全係真材實料！另一主打布丁多士，配搭特別，一啲都唔覺得奇怪！如果鍾意朱古力， 熔岩朱古力布丁多士絕對會成為你嘅至愛，朱古力真係好似熔岩咁流落嚟，味覺同視覺同樣滿足！ ▲ 熔岩朱古力布丁多士 ($55)： 厚麵包烘烤成厚多士，朱古力醬真係好似溶岩咁流落嚟，外層口感香脆，入面綿軟！ ▲ 多士用木竹籤拮住，方便食用！ ▲ 莓果梳乎厘 ($45)：超香蛋味同莓果味，酸酸甜甜既莓果醬加梳乎厘好夾，連埋冰凍嘅3.6牛奶雪糕一齊食，夏天解暑一流！ ▲ 粉紅色嘅梳乎厘真係超級少女，造型都好靚，打卡一流！ ▲ am.pm 店面黃巴士造型超顯眼！ 文字來源：香港人遊香港 / 圖片來源 ：＠foodie_anniechan...