油麻地美食:【招牌即叫即製入口即溶梳乎厘!布丁配搭多士夠特別!】- am.pm

次次行過油麻地,呢間黃巴士造型嘅小店都好吸引小編嘅注意,皆因每次經過都大排長龍!呢間小店主打即叫即製,新鮮熱辣辣入口即溶嘅梳乎厘,蛋香味好突出,質地厚而實,唔會輕飄飄,完全係真材實料!另一主打布丁多士,配搭特別,一啲都唔覺得奇怪!如果鍾意朱古力, 熔岩朱古力布丁多士絕對會成為你嘅至愛,朱古力真係好似熔岩咁流落嚟,味覺同視覺同樣滿足!

熔岩朱古力布丁多士 ($55): 厚麵包烘烤成厚多士,朱古力醬真係好似溶岩咁流落嚟,外層口感香脆,入面綿軟!

▲ 多士用木竹籤拮住,方便食用!

莓果梳乎厘 ($45):超香蛋味同莓果味,酸酸甜甜既莓果醬加梳乎厘好夾,連埋冰凍嘅3.6牛奶雪糕一齊食,夏天解暑一流!

▲ 粉紅色嘅梳乎厘真係超級少女,造型都好靚,打卡一流!

▲ am.pm 店面黃巴士造型超顯眼!

am.pm

地址:油麻地彌敦道560譽發廣場地下B舖
電話:2725 4318

文字來源:香港人遊香港 / 圖片來源 :@foodie_anniechan