位於尖沙咀嘅印尼特色fusion菜，前身其實係45年歷史老牌印尼菜峇里餐廳，搖身一變成為fusion咖啡店，店內裝修充滿異國風情，一盞盞琉璃吊燈為店內增添不少印尼氣息。菜單上提供多款傳統印尼特色菜以及數款創新fusion菜，價格亦都非常親民，希望藉此讓大家一改對印尼菜嘅印象，小編就推介人氣之選雙色咖央多士同招牌巴東牛展肉飯，值得一試。 ▲沙爹炒豬肉飯，可加$8升級至薑黃飯，沙爹醬花生味濃，配埋鮮嫩嘅炒豬肉非常惹味。 ▲招牌巴東牛展肉飯，醬汁夠曬香辣，牛展大大舊，入口鬆軟唔會好韌，肥瘦適中。 ▲巴東牛肉牛角包，牛角包用上法國最高質A.O.P牛油製成，酥脆外層嘅牛角包，入面夾著微辣嘅巴東牛肉同清新嘅青瓜片，口感層次豐富。 ▲雙色咖央多士， 每片多士中間都夾住一舊牛油，雖然邪惡，但超好食！ ▲印尼燒豬肉bagel，fusion菜嚟講都幾特別，bagel配印尼燒豬肉，值得一試。 文字來源：香港人遊香港/圖片來源：@bali_townhk1975...
