位於大埔嘅一間海鮮串燒專門店，店舖主打海鮮串燒，包括馳名椒鹽鮑魚、原蒜蓉燒帶子等等，仲有必試招牌膏蟹海鮮粥（需提前預訂），入面非常足料，超多膏蟹和蜆，入口綿滑鮮甜！而馳名彩虹椒鹽鮑魚，非常爽口彈滑，唔會燒得好韌，椒鹽味唔會掩蓋住鮑魚鮮味，食法非常特別。各款時令海鮮都係即叫即燒，風味十足！ ▲蟹粥，必試之一，味道非常鮮甜惹味！除咗原隻蟹之外，配料仲有花甲喺入面！ ▲燒聖子王，放上蒜蓉和蔥花稍微調味已經非常鮮美！ ▲馳名椒鹽鮑魚，面頭仲放上三文魚籽，側邊仲放埋配菜淋上芝麻醬。 ▲原隻燒帶子，燒到肉汁滋滋聲，仲帶有陣陣鮮香味~ 文字來源：香港人遊香港/圖片來源：Facebook@彩虹串燒專門店...
