遠離市區,到本地不同的小島上過一個周未,最怕就係捱低質又貴嘅餐廳。而位於坪洲,就有一間價錢親民,又高質的Café。
周末想去下離島又唔一定去南丫島、長洲既,估唔到坪洲都搵到好野食,今次呢間坪洲 #新寶馬茶餐廳 由裝修到食品都別具心思,由門口開始已經係個靚靚打卡位,幾個月前先將門面改頭換面,油上sharp醒既天藍色,擺放小擺設同綠色植物,無論係室內定戶外氛圍都勁正!食物方面,必食霸氣原條鰻魚炒飯、炸子雞,唔想咁heavy,食碗自選湯飯/米線都得,tea time去食,最岩就係叫返個雪糕菠蘿包或者咸牛肉蛋菠蘿包,歎返杯奶茶啦! ▲由碼頭行入永安街大約3分鐘,就會到達新寶馬茶餐廳,水藍色既外牆、綠色既植物同埋小擺設,令呢度好有慵懶氛圍。店主都好歡迎遊客黎呢度食野打卡! ▲由出面影入去效果一樣咁好! ▲坐係出面飲杯奶茶,睇下書帶埋狗狗咁又係個輕鬆既下午!呢度既奶茶/咖啡用既杯係預先整熱,冬天飲都唔怕凍。 ▲呢個小編覺得係必食既霸氣原條鰻魚櫻花蝦炒飯 ($88)平日食鰻魚炒飯都係切碎拌入炒飯,加埋櫻花蝦完全帶出佢既鮮甜! ▲山咁高既星洲炒米 ($48)真心抵食!米粉本身爽口彈身,加上配料非常豐富,炒得好夠鑊氣! ▲炸子雞 ($128半隻/$238全隻,最好預先預訂,夜市配二人套餐由$158起)招牌菜黎!同去飲果d唔同,隻雞本身油脂均勻,製作過程不斷澆油上雞身,做到外皮脆內裡嫩滑。 ▲自選鮮魚湯泡飯 ($48)湯底係用鮮魚每日煲製,配料自選可以自己配搭,仲可以配飯或上海麵! ▲咸牛肉蛋菠蘿包,菠蘿包烘到外酥內軟,鹹牛肉蛋咸香十足! ▲仲可以自來海鮮加工! ▲菠蘿包雪糕(細:$28 /大:$30),菠蘿包雪糕可選擇雲尼拿、芒果同朱古力味道選擇,迷你版菠蘿包雪糕BB有一大球雪糕,而正常size就有2球雪糕! 新寶馬茶餐廳小廚 地址:坪洲永安街29號地舖電話:29838218營業時間:11:00 – 20:00 圖片來源/文字來源:香港人遊香港...
仲要馳名三角蝦多士! 手指山上嘅鳳萍亭,可以遠眺青馬大橋同迪士尼樂園,又可以俯瞰坪洲市區以及東灣內船艇,景致迷人。要登上手指山,其實唔難,可以沿著一條老少咸宜的家樂徑輕鬆走,一般人都能應付得來。但去之前就記住一定要去褀森冰室食一食佢地嘅招牌三角蝦多士,而黎到手指山上後,最好停留至黃昏,慢慢欣賞日落後,之後可以再沿家樂徑下山,轉往碼頭離開。 ▲有驚喜!本以為是蝦膠,但看到裡面有大大一隻蝦,熱辣辣的,脆卜卜,口感一流!($33) ▲祺森冰室已開了多年多,由1970年開始,即係已有四十多年歷史。 褀森冰室 地址:坪洲永安街3B地下時間:08:00 – 16:00電話:2983 0554手指山前往方法:從中環6號碼頭乘渡輪至坪洲,船程約40分鐘,上岸後轉右,走至坪洲家樂徑入口,再走約30至40分鐘至手指山。 文字來源:香港人.遊香港/圖片來源:互聯網...