太子蛋糕:【爆漿朱古力/流心芝士古早味蛋糕!】- 山田本舖

手工古早蛋糕由台灣淡水,一出爐就大大件,而且離遠都聞到香味,呢間位於太子既蛋糕新店每人每次限買一件,因此蛋糕出爐時間就出現排左長長人龍,根據佢地店鋪上出爐時間表,輪流供應原味、芝士味、朱古力、抹茶紅豆、肉鬆、合桃咖啡、斑蘭味手工古早蛋糕比大家,每次顧客一聞到香氣,都已經企定定係度排隊等買!原味蛋糕蛋香最為濃郁、質感綿密。而流心芝士古早蛋糕亦係搶手貨之一,鬆軟如海棉既手工蛋糕,中間夾雜咸香流心芝士!而朱古力就非常濃郁足料,香氣係裂紋爆發出黎!

▲流心芝士味古早蛋糕($75),呢個一定要新鮮出爐果時食,會見得到拉絲芝士既視覺效果。每年蛋糕會附送一個金色盒,買黎去朋友屋企或者送上人地office都唔係好失禮!

▲朱古力古早蛋糕($75),蛋糕中間灑上美祿朱古力粉,面層有好多粒粒朱古力加強口感

▲朱古力古早蛋糕($75),如果新鮮出爐食仲食到濃郁朱古力熔漿。

▲肉鬆古早蛋糕($75),鬆鬆軟軟海綿口感加上咸香既肉鬆

▲抹茶紅豆古早蛋糕($75),抹茶味面層加上杏仁片,甜蜜既紅豆夾係中間!

▲小店內會有該日出爐既古早蛋糕時間表,錯過左就要等下round 了!

山田本舖

地址:太子太子道西108-118號康齡大廈地下C4號舖
營業時間:星期一至日12:00 – 21:00
電話:6617 7363 (Whatsapp)

文字來源:香港人遊香港人/圖片來源:@1po.jamie.ng_