粉紅櫻花季節又到，不能親身飛去賞櫻都可以享受櫻花樹下的美食。呢間酒店就推出以櫻花做主題的下午茶，內有各5款鹹甜點，鹹點以日式炸雞翼最惹味，甜點就以荔枝櫻花茶慕絲杯和北海道紅豆芝士蛋糕最搶眼。由擺設、餐具、食物到飲品都加入粉紅櫻花元素，賣相吸引手機當然要食先。
▲用上櫻花形狀粉色菓子盒，擺設、餐具、食物到飲品都加入粉紅櫻花元素。
▲手羽先唐揚是日式炸雞，鷄皮炸得香脆而肉質保持嫩滑多汁。
▲櫻花蝦蟹肉沙律配綠茶蛋卷，綠茶蛋餅下包住櫻花蝦、蟹肉及青瓜沙律。
▲黑芝麻吞拿魚配中華沙律及三文魚子，吞拿魚柳混合黑芝麻一齊煎香，中間粉嫩軟淋。配上中華沙律及三文魚子可增加層次感。
▲鰻魚玉子燒，有蛋香又軟又juicy。
▲櫻花蝦餅配蟹肉，炸得香脆蟹肉和蝦肉味道剛剛好。
▲荔枝櫻花茶慕絲杯，幼滑慕絲包含荔枝肉及櫻花茶，入口有淡淡荔枝芳香。
▲北海道紅豆芝士蛋糕，蛋糕呈現淡淡粉紅色內更有粒粒紅豆。表層更配上櫻花和珍珠朱古力，增添貴氣。
相關文章：
酒店下午茶:【貴婦式下午茶！ 精緻法國朱古力主題！】－樂聚廊
酒店下午茶：【朱古力迷必試下午茶！比利時朱古力配法國花茶】 – 帝景酒店
酒店下午茶：【抹茶控注意！抹茶甜品下午茶自助餐超多款！】- 都會海逸酒店
▲日式草餅，外軟內滑，賣相吸引。
▲日式蕨餅，煙煙韌韌中間有紅豆蓉。
▲法式馬卡龍，不會太甜，入口鬆化。
▲除了茶和咖啡外，可加$52轉飲櫻花氣泡酒，仲有加$32轉飲灑上粉紅糖霜以櫻花造型的抹茶鮮奶。
「春の桜」主題下午茶
地址：尖沙咀漆咸道南 117 號珀薈酒店 19 樓 Uptop Bistro and Bar
電話：2117 3526
時間：15:00 – 17:00
收費：$368/兩位 （星期一至五）； $408/兩位 （星期六、日及公眾假期）
*另收加一服務費
文字／圖片來源：香港人.遊香港