中環美食｜$358週末Brunch 5道菜包免費暢飲一小時
呢間位於中環主打日系巴西菜的餐廳，室內以綠色植物做裝飾充滿巴西熱情氣氛。菜式都以巴西時令食材配日式煮法，創造多款充滿巴西和日本元素獨特菜式。最近推出性價比極高的Brunch，五道菜早午餐只需每位$358，包括3款可供分享前菜，每人自選一道主菜及甜品。前菜一共有3款，包括香烤粟米筍、雞肉大阪燒及柚子醃生三文魚。當中香烤粟米筍非常爽脆清甜。自選主菜更有五款選擇， 包括煙熏辣椒乾醃香雞、炭燒草飼牛柳等。Brunch仲包一小時免費暢飲Prosecco氣泡酒、罐裝啤酒、汽水及凍茶，啱晒週末放鬆心情。
▲香烤粟米筍，粟米筍經過炭燒帶出香烤味而且口感爽脆再配上蛋黃醬、芥末香鬆及巴馬臣芝士。
▲雞肉大阪燒加入炸雞、鰹魚片，配上大阪燒醬汁及蛋黃醬，口感香脆又惹味。
▲Salmon Tradito柚子醃生三文魚，選用米醋、醬油、味醂及昆布鰹魚高湯製成土佐醋醬油汁，配上芒果莎莎及蘿蔔，為三文魚帶來多層次味道及清新口感。
▲煙熏辣椒乾醃香雞，將雞腿肉加入煙熏辣椒乾、黑糖蜜、日式米醋及魚露醃製過夜，配上香滑粟米醬及菠菜沙律，味道帶甜。
▲炭燒草飼牛柳配上以醬油、清酒和味醂製成的照燒醬。
▲甜品拼盤，包含多款甜品包括芝士蛋糕、朱古力雪糕、抹茶雪糕還有菠蘿、西瓜、藍莓、士多啤梨，非常豐富。
▲Raposa(左)：以香茅浸泡伏特加、椰子和檸檬調製而成的清爽雞尾酒；Akira’s Kisu(右)：以香桃茶包浸泡清酒、酸柑櫻花甜醋、蘇打水，入口清新。
Uma Nota
地址：中環蘇豪卑利街38號地下C號舖
電話：2889 7576
早午套餐供應時間：
星期六、星期日及公眾假期 12:00 – 16:00
文字：香港人遊香港