由香港大學站行兩分鐘就到呢間主打健康飲食嘅cafe，雖然唔係主打素食，但係都好vegan-friendly，餐牌上有90%都係 Vegetarian 或者 Vegan 嘅餐點！而且cafe支持本地有機農場，採用有機天然無添加嘅食材，食得健康又放心！餐廳有多款健康菜式，例如墨西哥穀物碗，亦有純素嘅番薯椰子班戟 ，唔加牛油、蛋同奶之下，口感同賣相都同平時食嘅pancake冇分別，層次亦好豐富！
▲ 番薯椰子班戟 ($118)：pancake都可以純素！佢由番薯製成，絕對冇加牛油、蛋同奶， 完全素食人士友好！每層pancake之間都有rasberry、peanut butter、香蕉同椰子片，好有層次！
▲ 墨西哥穀物碗 ($112)： 望上去十分豐富，有啲似墨西哥版all day breakfast！
▲ Cafe 支持本地有機農場，採用有機無添加食材，食得健康又放心！
▲ Berry Bliss Smoothie ($68)：全部飲品都係dairy-free (零牛奶)，又美味又環保！
▲ 巨型玻璃窗設計令環境好光猛同好舒服， 雲石枱同木凳嘅配搭，多咗一種身處田園嘅悠閒感覺，好啱帶埋電腦嚟工作或者做功課！
14 South Lane
地址：西環石塘咀南里14號地舖
電話：5744 8390
文字來源：香港人遊香港 / 圖片來源 ： @hksoulawesome