各位甜魔又有新野食喇，又多間蘋果批專門店登陸香港喇，呢d時間最好買返屋企食做飯後甜品！Mille Mele Tokyo係東京過江龍，創辦人Marco Polo Molinari意大利人，24歲移居日本，係多個世界級料理比賽獲獎無數！而開設首間香港分店，就位於銅鑼灣時代廣場後面，未行到已經聞到蘋果批融合牛油既香氣！以意大利傳統製法製成鬆脆酥皮，加入清新蘋果內餡，就算食多個都唔覺好膩！
▲呢間蘋果批店有世界一之稱，佢地出品千層鬆脆蘋果批令人一試難忘！
▲批皮之所以鬆脆係因為創辦人堅持用意大利傳統製法，烤焗蘋果批更預先將雲呢拿糖漿塗上，效果又香甜又鬆脆，牛油香氣十足！
▲蘋果批店每日都係限量發售架！
▲蘋果批內餡含大大粒蘋果混入吉士、豆乳 ，味道甜而不膩
▲蘋果批係每小時分批現場烤焗，令客人可享用到有鬆脆口感既蘋果批，不過就算攤凍左味道水準都保持到！
▲一口酥爽脆香口，製法同蘋果批批皮如出一轍，以多層重叠酥皮加上特調糖漿形成粒粒零食。
Mille Mele 蘋果批
地址：銅鑼灣霎東街33號地下4B鋪(假日酒店樓下)
營業時間：12:00pm – 8:00pm
文字來源：香港人遊香港 / 圖片來源：@millemeletokyo