好多人都鍾意食泰國嘢，款式多樣，又夠惹味，而喺香港提到泰國嘢嘅話，好多人都會去九龍城。不過，呢間位於深水埗嘅泰國餐廳其實都十分唔錯。佢嘅泰式金邊粉落足料，唔會太濕亦唔會太乾，香味十足，酸酸甜甜好惹味。另外都要特別推介佢嘅泰式豬肉碎生菜包，豬肉碎炒得香口而唔油膩，辣度啱啱好，配埋新鮮爽口嘅生菜食，非常開胃。
▲泰式豬肉碎生菜包($70)，豬肉碎嘅份量十足，非常惹味，不知不覺就會食完。
▲用嚟包豬肉碎嘅生菜，新鮮爽口。
▲泰式生蝦($88)，爽口鮮甜嘅生蝦配埋惹味嘅醬汁，食過返尋味。
▲泰式拼盤($118)，有炸蝦餅、春卷、炸鹹豬肉同埋扎肉，前3樣夠哂香脆，第4樣夠彈牙，加埋甜酸汁一流。
▲泰式金邊粉($42)，落足料，份量十足，未送到枱面已經聞到陣香味。
▲泰式鳳爪($60)，酸酸辣辣，鍾意食鳳爪嘅人唔可以錯過。
▲冬蔭公湯河($38)，湯底濃郁，酸酸辣辣非常開胃。
▲馬拉盞炒通菜($58)，鑊氣十足，加埋辣味令人食到停唔到口。
泰 基隆
地址：深水埗基隆街241號地舖
電話：2110 1941
營業時間：星期一至二 12:00 – 22:00 、星期三休息 、星期四至日12:00 – 22:00
文字來源：香港人遊香港/ 圖片來源：@annababykuen、tt05hk