炸蛋蔥油餅係台灣花蓮夜市既名物，呢2個熱愛台灣小食既老闆係台灣打工學師，其後仲將佢地帶返香港，開左呢間小食店！除左炸蛋蔥油餅，仲有香港人都好愛戴既蛋餅、鹽酥雞呢d油炸小食！炸蛋蔥油餅有7個口味，包括：台式九層塔、大蒜香腸、餐肉炸蛋、芝士熱狗、肉鬆鹹蛋黃等，全部都係邪惡之選！無論你order咩口味，佢地都係即叫即炸，炸成外皮金黃酥脆，再包住半熟狀態溏心蛋液，一口咬落去蛋液傾出，如果嫌炸蛋蔥油餅、蛋餅呢d小食太油膩既話，可以配埋佢地冷泡茶解解膩！
▲每份葱油餅係由老闆人手搓麵糰，而麵糰用返台灣直送既麵粉，有客人order先即叫即炸，好有夜市風味！
▲台式九層塔炸蛋蔥油餅（$32），九層塔炸過帶出其香氣，所以一咬落黎就係濃郁九層塔獨特既香香氣混和香蔥、蛋香
▲大蒜香腸蔥油餅，滿滿蒜泥包住台灣腸，香口又唔會搶左蔥油同蛋香。
▲大蒜香腸蔥油餅（$37）：每份蔥油餅配一隻半熟流心蛋，好滿足！
▲肉鬆鹹蛋黃蔥油餅（$38）：肉鬆、鹹蛋黃碎粒互相配合。
▲芝士熱狗蔥油餅（$36）呢個係芝士控必點！
▲台灣冷泡茶（$17）飲落清新無苦澀味，解油膩一流！
炸老闆
地址：旺角弼街60號地舖
文字來源：香港人遊香港／圖片來源：@max_foodie1001、@gastronomic_journey、@foodduckie、@cyscyrus