呢間酒店酒吧／餐廳位於尖沙咀，坐得都幾舒服，最近新推「嚐鮮·海鮮」Dinner Set，Menu內都包括新鮮食材包括重點推介28天熟成西冷扒、珍寶帶子、鱈魚、大虎蝦等，岩哂肉食控同海鮮控！加上呢度坐擁維港景致，三道菜做緊$388，而四道菜就係$428，價錢尚算貼地公道，係親朋好友約食飯既好地方！
▲頭盤：有兩款可以揀－一係主打既清新蟹肉沙律配香辣牛油果、柚子、蜜糖鬆餅，不過身為海鮮控，呢個珍寶帶子三重奏就係不二之選！
▲頭盤：珍寶帶子三重奏，以三層既玻璃塔示人，三層分別盛載三款唔同口味做法既帶子，各有特式！
▲頭盤：以蘋果木煙燻帶子
▲頭盤：香煎煙肉帶子伴柑橘油醋汁
▲頭盤：三文魚籽鮮帶子他他
▲頭盤：清新蟹肉沙律配香辣牛油果，滑膩既牛油果沙律配上蟹肉
▲龍蝦濃湯配香煎蟹肉餅，用新鮮波士頓龍蝦頭、鮮茄、龍嵩及香草以慢火熬煮4小時，特別加入龍蝦殼，湯汁質感濃郁，加埋自家製蟹肉餅真係好夾。
▲香烤28天熟成西冷扒及原隻大虎蝦 (+$60) 西冷扒肉質緊緻味濃，原隻大虎蝦亦肉爽味鮮，鮮味甘甜。
▲火炙鱈魚柳配牛油燴大蒜：肉質彈牙醇厚，食落非常嫩滑鮮美。
▲香橙甜酒梳乎厘配薑味雪糕，每人有一個大大個既梳乎厘，梳乎厘蓬鬆空氣感極重，配上雲尼拿汁及薑味雪糕。食完呢個甜品真係滿足！
嚐鮮•海鮮晚膳
價錢：3道菜港幣$388; 4道菜港幣$428 (以每位計算)
日期：019年8月5日至10月31日，星期一至星期四 (公眾假期除外)
時間：晚上6時30分至11時
地址：尖沙咀廣東道 33 號中港城皇家太平洋酒店海景翼大堂高座堤岸酒吧及餐廳
文字/圖片來源：香港人遊香港