去新加坡一定要食雞飯，講到至矜貴，當然要試文華酒店既名牌雞飯！依家佢地即將登陸香港尖沙咀喇！新加坡擁有大大大人氣，每日平均賣出400碟以上！呢度海南雞肉質同坊間既唔同，首先將雞肉用沸水至全熟，再浸入冰水，以維持肉質嫩滑，就因為咁食用時肉質顯得嫩滑軟腍，不過口感就帶紮實。呢度龍蝦Laksa亦係大人氣之選，放上龍蝦殼好有霸氣，帶住濃郁辣椒同椰汁，真係必試！
▲全新加坡最貴既雞飯，肉嫩而唔膩，配上自製醬油、辣椒醬同蒜泥，即將黎到香港！佢地既米飯用既係長米，加上用雞既高湯精華、薑同班蘭葉去！
▲票選為海南雞飯第一名，雞肉口感柔嫩，入口即化！
▲龍蝦喇沙湯式都係咖哩湯汁加入濃郁椰漿，味道既甜又帶辣之餘，食得出加入左鮮味既蝦膏！
▲配料有油豆腐、魚丸、豆芽菜等，配上像米粉，小龍蝦除頭殼，其他都全部拆左肉！
▲椰子雪糕味道好濃郁，仲可以食到椰絲、核桃
Chatterbox
地址：尖沙咀梳士巴利道18號 K11 Musea
開幕日期：預計2019年9月中
文字來源：香港人.遊香港