呢間主打台式吐司，以前開係荃灣工廈區稍有名氣，原來老闆係大台演員出身，不過冇因為咁而賣名氣而唔賣質素，店舖裝修行簡約文青風，水泥牆、綠色盆栽，小木牌，地方細細。打住「全日早餐店」既旗號，為油麻地居民同附近返工既人製作早餐，好似同佢地每日打打氣咁！所有出品嘅吐司都係即叫即烘，麵包烘成輕薄香，夾住豐富既餡料，可見誠意十足！雞蛋控又點可以錯過佢地既多層次蛋吐司，係有生菜、薯仔沙律醬同雞蛋層層相叠，口感交雜，佢地早餐賣到晚上6點，訓到黃朝八晏都食得到！

▲ 此店忠於提供早餐，因為老闆覺得早餐其實是每天最重要的一餐。多層次蛋吐司 ($28)，一層蛋、一層薯仔沙律醬層層相間

▲ 多層次蛋吐司 ($28)目測有成吋厚！薯仔沙律食落好清新，同雞蛋、生菜好夾！

▲ 特色吐司套餐共有7款，定價由$55至$65，包括蒜香雞扒蛋吐司、香茅豬扒蛋吐司、多層次蛋吐司、五香肉丁蛋吐司、手撕雞炒蛋吐司 、叉燒煎蛋吐司等

▲香茅豬扒蛋吐司（＄28），輕薄香脆多士內滿是豐富餡料包括豬扒、薯仔沙律菜同香滑既雞蛋！

▲全日早餐（$85）包括雞肉漢堡扒、腸仔、煙肉、煎蕃茄、炒蛋、牛油多士，仲可以多點份餃子。

▲呢間以全日早餐做主打！

叁拾壹堂高烤吐司

地址：油麻地德昌里1-9號德喜大廈地下4號舖
電話：55403134
營業時間：08:00 – 18:00

文字來源：香港人遊香港／圖片來源：@wmanho@、live.andenjoy@、gwyn___chan@、jjcaptain106