究竟呢間茶木比起其他茶木有咩分別? 呢間係高級版茶木，食物同飲品既款式都相對有特色，同埋食材方面都更高級。同埋茶木一向都係主打台式料理，不過呢間就主要食台灣加西餐既新派Fusion菜。由於呢間係同陀飛輪鐘錶品牌「萬希泉」合作既餐廳，所以鋪頭既裝修都別於平時茶木的風格，餐廳設計會有埋陀飛輪既元素。另外呢度既舒芙蕾班戟是即叫即製，食落好鬆軟充滿蛋香，所以成為店內人氣No.1 既甜品。

▲MTW鮮草莓奶蓋舒芙蕾班戟($118):班戟裡面夾住左好多士多啤梨果肉，食落去酸酸地，同班戟既甜度可以中和番。

▲MTW黑珍珠舒芙蕾班戟($92):雪糕可以選擇綠茶或香草雪糕，班戟上面仲淋咗芝士奶蓋，再加上啲珍珠又好煙韌，真個甜品好好食。

▲鐵板麵包布丁($68): 食落去好鬆軟，又重蛋香味。

▲MTW紅燒牛肉手作麵($148):呢碗麵個湯底飲落去有啲羅宋湯mix牛肉湯，手作麵食落好彈牙，有小小似幼版刀削麵。

▲12小時慢煮台式牛肉手工麵($328): 每日限量10碗，由於牛肋骨用左12個鐘慢煮，因此可以保留到更多肉汁同埋食起上黎質感更嫩滑。上菜前會再牛肋骨煎香先,食起來肉味會更加濃郁。

▲香煎盲鰽魚西班牙橡果豬肉燥珍珠麵($148):舊盲鰽魚個魚皮焗到脆，魚柳食落去係啖啖肉，同埋珍珠麵其實是意粉既一種。

▲燒加拿大帶骨豬鞍排($208): 唔睇文字仲以為係羊架黎，豬排煎到好香脆，肉食落去好滑又多汁，同埋肉質不會過韌。

TeaWood Deluxe

地址:尖沙咀河內道18號K11購物藝術館B1樓B105-B106號舖
營業時間: 星期一至日11:30 – 23:00
電話:26683300

文字來源：香港人.遊香港／圖片來源：＠crazy.food.travel、＠thinkingggu、＠kathyyky、@bonniekychow、@goodfoodandhumour、＠hannahwingwing