自助餐最緊要係價錢抵食得黎又好食，最好有埋啲特別主題既食物比客人選擇。北角海逸酒店既綠怡咖啡廳每次都會有特定既自助餐主題，今次就搞左個避風塘海鮮自助餐做Gimmick！自助餐食物款式好多，有好多款冷盤海鮮、刺身、甜品、避風塘海鮮等⋯⋯咁多款野食比客人揀，價錢又經濟實惠，6月平日黎食，仲最高可有65折優惠，而父親節仲有優惠
1.冷盤
▲ 一共有5款冷盤海鮮比客人選擇，有蟹、青口、蜆、蝦、小龍蝦。當個盤上無乜海鮮既時候，員工就會即刻加番啲海鮮上去。新落去都好新鮮！
▲5款刺身提供比客人，有希靈魚、吞拿魚、三文魚、八瓜魚、油甘魚，款式多之餘每一樣都好新鮮。
▲刺身全部都係即叫即切，唔會預先切定一碟碟比客人！
▲生蠍吧，生蠍係即叫即開比客人食，隻隻都好大好肥美，最緊要既係好鮮甜，唔係好重海水味！
▲一共有三款生蠔比客人選擇，例如愛爾蘭生蠔、法國生蠔、美國生蠔。
▲沙律吧，仲有煙三文魚同唔同西班牙火腿可以選擇。
▲芝士盤: 唔同種類既芝士比客人選擇。
2.主食 －避風塘系列
▲鵝肝避風塘炒飯，食落去有少少辣味好香口，同埋仲有一舊舊既鵝肝。
▲避風塘炒蟹:炒到啲蟹肉都入晒味，一夾都好香。
▲避風塘泡菜雞翼(左)+避風塘茄子(右): 食落去唔係好辣，最欣賞個茄子唔會好乾，食落去都多汁。
▲避風塘羊架(左)+避風塘蝦球(右): 羊架食落去好入味，食落去唔會好硬，同埋每一件都好大舊。
▲蒜蓉粉絲煎帶子: 呢個真係好味，帶子每隻都好大隻同埋啲粉絲係入晒味！
3.主食
▲韓風芝士海鮮年糕，好重芝士味岩晒係芝士控既你，同埋年糕好入味又有咬感。
▲花膠湯: 呢碗花膠湯女士恩物，每碗都有唔少花膠比埋你食。
▲泰式海南雞飯: 海南雞飯每個都細細碗，岩晒想食但又驚飽既你，旁邊仲有醬汁比你加。
▲即煎鵝肝多士，多士好脆口鵝肝又大件同好食 ！
▲即煎西冷牛排，食落去有牛味同埋唔會好難咬。
▲芝士龍蝦半隻: 現時幫襯每一位都會送一份半隻芝士焗龍蝦比客人。
4.甜品
▲忌廉泡夫
▲雲石芝士蛋糕，蛋糕每件細細件，可以比客人每款甜品都試少少。
▲紐約藍莓芝士蛋糕
▲一杯杯Haagen－Dazs杯裝雪糕， 一共有三款口味比客人揀。
▲除左雪糕杯仲有兩款脆皮雪條揀。
▲綠茶味Pancake:客人可以自行選擇碗料，有芒果、草莓、藍莓、紅豆 、奇異果揀。
▲雜果蛋糕
▲現時訂座仲會有Haagen-Dazs朱古力雪糕火鍋送，雪糕客人可以自行係雪糕櫃度揀自己想要既味道同大小，一共有6種口味。
「避風塘風味」自助晚餐@綠怡咖啡廳
地址:北角英皇道665號北角海逸酒店2樓
供應日期及時間：2019年4月6日至6月30日 晚上6 時 30 分至 10 時
電話:21852155
避風塘風味自助晚餐 6月－65折優惠
星期一至四 折後HKD$304.20 / 小童 $219.7 未計加一
星期五至日及公眾假期: 折後HKD$341.60 / 小童 $250.6 未計加一
避風塘風味自助晚餐父親節優惠6月15、16日
成人$498／小童$368未計加一
每位父親可獲贈紅 / 白餐酒或啤酒乙杯，送獨立享用 Häagen-Dazs 雪糕火鍋
訂座：http://eshop.harbour-plaza.com/northpoint/
文字來源及圖片來源：香港人.遊香港