鰂魚涌係廣告Agency集中地，好多時佢地會度度下橋落街買d小食，午後小休買個日式麵包想像下自己去左東京已經充哂電！呢間4月先開既喫茶小店位於海光街，主打日式菠蘿油同芝士蛋咖啡，令打工仔有好fresh既感覺！菠蘿油同傳統茶餐廳截然不同，菠蘿油用日式做法，麵包外層口感鬆脆，內餡軟熟，收到order店員就會將菠蘿包放入焗爐翻熱。而內餡奶油更係用北海道忌廉同北海道煉奶製作，好似雪糕咁凍既奶油夾入熱辣辣嘅菠蘿包，好有冰火交融感覺！而且佢地有5個口味包括原味、芝士、抹茶、草莓、朱古力，不過最受歡迎都係抹茶味！

▲芝士蛋咖啡（）概念來自人氣飲品芝士奶蓋同埋越南雞蛋咖啡，再演變而成。

▲日式菠蘿油芝士味（$22）日式菠蘿油concept來自日本丹麥方包，店主加入港式菠蘿包元素，演變成菠蘿丹麥酥，所佢地以特製配方烤焗出酥脆香甜菠蘿皮。芝士加上本北海道香滑忌廉超級邪惡！

▲日式菠蘿油朱古力味（$22）

▲日式菠蘿油抹茶味（$22）包住日本抹茶味香滑忌廉，口感超鬆軟又唔算好油膩！有網友更認為呢個日式菠蘿油可以媲美世界第二好食菠蘿油！

▲火腿芝士菠蘿丹麥酥，唔想食甜野既可以試下火腿芝士餡。菠蘿丹麥酥係甜甜地，而火腿芝士都係帶咸香，好有口感衝激。

▲一口芝士蛋糕（$20）芝士味非常香濃，底層係薄薄一層海綿蛋糕！

▲抹茶紅豆迷你風蛋糕

OURS喫茶店

地址：鰂魚涌海光街13-15號海光苑地下6B號舖

文字來源：香港人.遊香港／圖片來源：@eamonn_lee、@strawberrykgrams、@rayfung10、@thank.god.its.foodie.hk