之前銅鑼灣圖書館對面既小食店因租約期滿要搬，令好多人都好失望，佢地既沙茶醬魚蛋、撈麵同雞蛋仔的確係掂既！不過其實幾個月前佢地已經搬到新鋪繼續營業，新鋪重新裝修仲加入新既水耕菜，食完蛋再食真係超fresh！
▲煥林粉麵食店係銅鑼灣一區學生最愛，當日傳出結業消息，各粉絲都好傷心。
▲最出名就係沙茶醬魚蛋+撈麵($15)，自家調配沙茶醬係小店招牌，用左唔同沙茶醬混合、爆鑊後再加蒜蓉再炮製而成。食落有花生香，而且醬油味都好濃， 買果陣老闆會將魚蛋浸落沙茶汁度，魚蛋嘅皮有沙茶醬嘅香味
▲新鋪外表係橙色醒目顏色，新店可以入去食，不過就得企位，環境舒適好多。
▲新鋪煥然一新，仲加入左水耕菜沙律呢個新鮮元素。
▲小食店點少得呢個格仔餅同雞蛋仔？
焕林粉麵食店
地址： 銅鑼灣信德街17號A(珀麗酒店對面)
電話： 9459 2577
文字來源：香港人.遊香港／圖片來源：mylittlefaithhk、yummy_murasaki、ashitanojoe、cwjoyce、woonlamnoodle