#旺角都有
香港現時涼茶舖普遍買幾款涼茶，但係有間涼茶舖偏要一支獨秀。位於灣仔莊士敦道，有一間開業60年嘅涼茶舖專賣一款野葛菜水，多年來堅持「不夠材料不賣、不夠火候不賣、地方不夠乾淨不賣」。以野葛菜、羅漢果、龍利葉、 蜜棗、果皮、雞骨草明火煲十多小時而成，強調真材實料、衛生及健康療效，係名副其實嘅野葛菜水老字號代表。食熱氣嘢和經常熬夜的香港人，最好飲一杯野葛菜水去降降火，有助去骨火，達到舒緩喉嚨。
▲堂飲$10蚊一碗，野葛菜水有清涼潤肺、下火化痰和解暑散熱功效，味道甘甜不苦。如果覺得唔夠味，店內提供一小碗的海鹽，隨住客人喜好調出合適自己嘅口味。老闆會建議客人，可先喝兩口後再加鹽，即時品嚐到甜鹹兼備的特別味道。
▲老闆和店員都會從白鋼製造的保溫大埕，先盛好幾碗葛水，碗上即時放有透明玻璃片遮擋灰塵。因應客人的要求，可以隨時加添埕中熱燙的葛水，做到適溫嘅葛水比客人飲用。務求做到乾淨衛生、 細心又有效率，令客人安心飲用。
▲唔想堂飲可以買支裝野葛菜水($27)，經常開OT嘅打工仔，可以買返去公司飲用。
▲堅持做良心小店多年，貫徹著煲涼茶的專注和認真，與客人之間建立深厚嘅信任，恆久不變味道，飲出人間有情。
三不賣
三不賣(灣仔店)
地址: 灣仔莊士敦道226號富嘉大廈地下
營業時間: 星期一至六 11:30-21:30 (逢星期日休息)
三不賣(旺角店)
地址:旺角花園街18號華園閣地下
營業時間: 12:30–22:30
文字來源：香港人.遊香港／圖片來源：faylochun, janellechou, davidchang_xd， the_joanne_chan
—————————————————————
相關文章：
【深水埗下火涼茶！】
【鬼佬涼茶🍻】