灣仔有間小店以紅磚牆醒目既日式小店外型，原來係間蛋包飯專門店。真係日日都有好多人排隊！小編今日揀左咖哩+蛋+漢堡呢個組合，於是蛋包飯分成左中右三份，左邊係咖哩，食得出有洋蔥、紅蘿蔔，原來係用左35種香料、天然蜜糖製作而成，唔怪得口味偏甜，而右邊既手打和牛漢堡燉肉汁以牛肉同紅酒入饌，同白飯出奇地好夾！中間主角蛋包飯，以半生熟蛋輕輕咁鋪上白飯面，口感勁滑溜，撈飯一流呀！
▲同行友人揀左忌廉濃茄汁蛋包飯($82)，忌廉汁係雞肉，雞肉夠滑，白醬唔會濃，忌廉雞肉同滑滑雞蛋係絕配！而蕃茄汁酸酸甜甜，幾開胃
▲最重要就係中間嗰個滑蛋，真係好好味好順滑！
▲咖哩+蛋+漢堡呢個組合($96)份量真係幾大份，真係大胃王之選！
▲濃茄牛肉+燴牛肉汁蛋包飯 ($89)
▲ 門面好日本feel。店內座位唔多。lunchtime最好早D到免排隊！
貓之眼
地址：灣仔汕頭街25號地舖
電話：2891 8986
文字來源：香港人.遊香港／圖片來源：香港人遊香港