這間位於尖沙咀嘉連威老道的試業中新Cafe，是來自台北的人氣Cafe 「Mamaday」的兄妹店，主打特式意粉、pizza、炸物、小食、沙律及甜品等。 Cafe 相當光猛，佔地廣闊，座位舒適，空間感十足，裝修色彩繽紛，充滿創意及玩味，打卡一流！值得一提的是餐牌名字十分搞鬼，如「求其是但乜都炸啲啦」、「好邪惡咸蛋牛油果蟹肉比薩 咩叫減肥」、「保證酸MayMay 面青口唇白沙冰」，都令人會心微笑。而其中「唔好抱咁大期望蒲燒鰻魚蛋包飯」，日本炒蛋大份又嫩滑，鰻魚肥美得來厚肉彈牙，加$28更可升級做超大條原條鰻魚！而「點解個個都叫軟殼蟹比薩架(仲有菠蘿)」的軟殼蟹超大隻，新鮮熱辣辣，配料更有蟹柳、車厘茄、洋蔥及菠蘿配蟹柳，配上千島醬，口感層次豐富，十分之夾！
▲Cafe 相當光猛，佔地廣闊，座位舒適，空間感十足，裝修色彩繽紛，充滿創意及玩味，打卡一流！
▲主打特式意粉、pizza、炸物、小食、沙律及甜品 ， 食物高質，餐牌名字亦十分搞鬼 ，令人會心微笑。
▲ 唔好抱咁大期望蒲燒鰻魚蛋包飯($125)，日本炒蛋大份又嫩滑，飯粒粒分明，充滿麻油香味，鰻魚肥美得來厚肉彈牙，加$28更可升級做超大條原條鰻魚！
▲ 點解個個都叫軟殼蟹比薩架(仲有菠蘿)($138)，軟殼蟹超大隻，新鮮熱辣辣，配料更有蟹柳、車厘茄、洋蔥及菠蘿配蟹柳，配上千島醬，口感層次豐富，十分之夾！
▲美利堅合眾國草飼牛扒($168)，圖為五成熟，配沙律及炸蝦片，顏色生熟度剛好，牛味濃重，肉汁豐富，軟腍無筋。
▲有蟹GO又有蟹肉嘅蟹蟹蟹意大利粉($138)，勁多蟹肉，好濃蟹肉蟹膏香味，意大利扁麵食落去煙韌彈牙，大大份超足料，男仔食一碟都夠飽！
▲WINGS•燒雞翼我鍾意食記住，期望越大，失望越大($68)，雞翼香脆微辣，甚為惹味。
▲圖後排左起，豆腐豆腐豆腐咖啡($56)，豆腐雪糕配咖啡，像加了濃郁豆奶的咖啡；我黑芝麻你個奶($48)，超濃黑芝麻味，用了燕麥奶，相當香滑；73.5%朱古力最好味($48)，朱古力不太甜，配棉花糖剛好。
GoodDay BadDay
地址：尖沙咀加連威老道27-27A號嘉榮大廈地下及1樓
電話：9424 1449
營業時間：12:00 – 22:00
文字：香港人遊香港 /圖片：@foodxgoodwest_hk