呢間位於尖沙咀的西餐廳，打卡一流之餘，食物都大大份，適合成班朋友食飯影靚相。大大個落地玻璃窗是超靚打卡位，窗外有大片綠樹景，好放鬆。食物方面，蒜香松露薯條就最出名，薯條香脆又夠蒜香味，但不會過份油膩，黑松露味道剛好，除了灑上的黑松露碎外，配碟的松露醬都好香！墨西哥芝士燒粟米都好特別，有別於坊間的粒粒粟米，餐廳使用原條粟米，甜甜的粟米配青檸汁同半浴溶芝士，少少邪惡又帶清香！Carbonara Pie是批形狀的煙肉忌廉意粉，賣相用來打卡不錯，醬汁偏稠及creamy，配料份量豐富，十分大份飽肚！
▲蒜香松露薯條($98)：薯條香脆又夠蒜香味，但不會過份油膩，黑松露味道剛好，除了灑上的黑松露碎外，配碟的松露醬都好香
▲墨西哥芝士燒粟米($68)：有別於坊間的粒粒粟米，餐廳使用原條粟米，甜甜的粟米配青檸汁同半浴溶芝士，少少邪惡又帶清香！
▲Carbonara Pie($168)：Carbonara Pie是批形狀的煙肉忌廉意粉，賣相用來打卡不錯，醬汁偏稠及creamy，配料份量豐富，十分大份飽肚！
▲炭燒雙層黑安格斯牛肉芝士漢堡($168)：超大份的雙層漢堡，牛肉味濃又夠juicy，除了普通芝士外，更夾有芝士脆脆，口感更豐富。扭紋薯角都香脆份量多。
R&B
地址：尖沙咀彌敦道172-174號太平洋大廈3樓
營業時間：12:00-22:00（逢星期一休息）
訂座電話：21915445
文字來源：香港人遊香港/圖片來源：@feivouritefood